SHBA vëzhgues në zgjedhjet e 25 prillit, Kim pas takimit me kryetaren e OSBE-ODIHR: Edhe unë do jem në terren

SHBA do të ketë vëzhgues për zgjedhjet e 25 prillit. Lajmin e ka bërë me dije ambasadorja amerikane Yuri Kim pas një takimi të zhvilluar me kryetaren e misionit të OSBE-ODIHR në Shqipëri Urszula Gacek, për vëzhgimin e zgjedhjeve të 25 prillit.

Në një shënim në rrjetet sociale, ambasadorja amerikane ka nënvizuar se edhe SHBA do të këtë në terren vëzhgues për zgjedhjet e 25 prillit, madje edhe ajo vetë do të jetë në terren.

‘Diskutohet me Ambasadoren Urszula Gacek, kryetare e OSBE-ODIHR, për vëzhgimin e zgjedhjeve në Shqipëri, përgatitjet për zgjedhjet 4/25. SHBA mbështet këtë mision të rëndësishëm, përfshirë edhe vëzhguesit kontribues. Ambasada Amerikane gjithashtu do të dërgojë ekipin tonë (duke përfshirë edhe mua) në vende përreth vendit.’- shkruan ambadorja amerikane.

LEXO EDHE:
Shpërthim me tritol në banesën e 50-vjeçarit në Fushë-Krujë (EMRI)

Yuri Kim takohet me kryetaren e OSBE-ODIHR

Ditën e sotme diplomatja amerikane u bëri apel shqiptarëve që të votojnë në zgjedhjet e 25 prillit duke thënë se ata nuk duhet ta shesin votën e tyre pasi ajo ju përcakton të ardhmen.  Kim shkruan se nuk duhet t’i votojnë kriminelët pasi qytetarët kanë fuqinë e ndryshimit dhe nuk duhet që këtë fuqi ta lënë në duar të inkriminuara.

Ndërkohë që më herë edhe kryetarja e misionit të vëzhgimit të OSBE-ODIHR, Urszula Gacek, zhvilloi një takim me nënkryetarin e Partisë Socialiste Taulant Ballën, ku diskutuan në lidhje me fletët e votimit për zgjedhjet e 25 prillit.

M.Q./Shqiptarja.com