POP 5

Lajmet më të lexuara të 5 minutave të fundit

Kultura

‘Za Fest IV’ me muzikë, poezi dhe diskutime online

Ndonëse, pandemia Covid 19 ka pezulluar të gjitha aktivitetet kulturore në vendin tonë, kantautori Vlashent Sata do të sjell festivalin “Za fest IV” online. Muzika, poezia dhe diskutimet për artin dhe kulturën do të jenë pjesë e programit

Për tre vjet radhazi publiku shijoi legjenda, muzikë dhe poezi në natyrën e bukur të Thethit. Por, për shkak të pandemisë COVID 19, në këtë edicion të katërt organizatorët s’mund të jenë fizikisht pranë publikut. Megjithatë, kantautori Vlashent Sata, njëkohësisht edhe drejtor Artistik i “Za fest IV” ka zgjedhur, që të jetë pranë publikut online, duke i dhuruar sadopak rreze shprese  

 “Të dashur miq, këtë vit më shumë se kurrë, nuk donim të mungonim për ju, ndaj njoftojmë se Zâ Fest 4 vjen online këtë vit. Ndonëse të gjithë e njohim situatën e vështirë në të cilën ndodhemi, nuk duam gjithsesi të mungojmë e të sjellim pak dritë shprese. Së bashku, do të shihemi shumë shpejt nëpërmjet ekraneve të rrjeteve tona sociale” – shkruan kantautori Sata.

Me pjesëmarrjen e artistëve shqiptarë në vend, por edhe nga diaspora në këtë edicion nuk do të mungojë, “Shkodra Elektronike” i përbërë nga dy artistët Kolë Laca muzikant dhe Beatriçe Gjergji, të cilët këndojnë këngët e ahengut shkodran të përpunuara.

Grupi "Sytë"me katër të rinj të talentuar nga Prishtina, sjellin muzikë në një stil të veçantë. Por, nuk do të mungojnë as të tjerë artistë, që i janë bashkangjitur këtij edicioni online.
 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, avioni me 64 pasagjerë në bord përplaset me një helikopter ushtarak në Uashington, ka viktima

SHBA, avioni me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16