POP 5

Lajmet më të lexuara të 5 minutave të fundit

Sociale

Drejt Punës

Zadrimori që thyen tabutë! S'e braktisi kurrë fshatin e ngriti fermë kur ishte vetëm 18 vjeç: Më thonin çoban, e kam pasion këtë punë (VIDEO)

Mbajtja e bagëtive, sidomos nga të rinjtë është gjithnjë e më shumë në rënie. Por sot do t’ju njohim me një zadrimor, i cili, ndryshe nga të tjerët, nisi ndërtimin e një ferme që kur ishte 18 vjeç, e sot ka 300 kokë bagëti të imta.

Ishte vetëm 18-vjeç kur vendosi të qëndrojë në Shqipëri dhe të merrej me blegtori, një profesion gjithnjë e më në zhdukje. Personazh i kësaj historie është Erlind Pjetri nga fshati Zojz i Lezhës, i cili prej vitit 2012 ka ngritur një fermë dhe punon bashkë me familjen e tij. Dëshira për të mos emigruar e nxiti të thyejë tabutë e të investojë në fshat dhe sot ndjehet mjaft mirë me punën që bën.

“M’u futën në gjak si i thonë dhe i bëra. Normal që më shihnin me përshtypje, se thonin merret me dele, çoban. Por sot se kam fare problem, se çfarë flasin njerëzit”, thotë ai për Report Tv.

Aktualisht mbarështon 300 bagëti të imta dhe kjo punë nuk është aspak e lehtë, por thotë se pasioni e bën që të mos ndjejë lodhje.

“Unë kur bëj këtë punë e kam me pasion dhe dëshirë. Janë aktualisht 300 krerë dele. Normal që ka shumë punë, vështirësi se janë një muaj koha që janë duke u shtuar. Ka shumë vështirësi. E bëj bashkë me familjen. Normal që ka kërkesa e treg, s’kemi vuajtur për shitjen asnjëherë”, thekson ai.

Në një kohë që fshatrat janë boshatisur masivisht në Shqipëri, 31-vjeçari Erlind Pjetri ka një mesazh për të rinjtë që të mos largohen por të kontribuojnë për vendlindjen e tyre.

“Edhe po të shkosh në vend tjetër normal që je punëtor i dikujt, kurse këtu jam punëtor i vetes dhe i familjes sime. Të punojnë në vendin e tyre se janë 100 mijë herë më mirë në vendin e tyre se jashtë shtetit”, thotë Pjetri.

Erlind Pjetri është ndër blegtoret e vetëm në fshatrat e Zadrimës në Lezhë, duke dhe një shembull të mirë e duke provuar se me punë mund të jetosh mire edhe në Shqipëri.

G.M./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Linza: 17/11/2024 14:35

    Te lumte djale! Suksese!

    Përgjigju
  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

2 muaj nga vrasja e Martin Canit, babai: Heshtja vret më shumë! Nuk ishte grup kriminal, mund të zbardhej për 3 ditë

2 muaj nga vrasja e Martin Canit, babai: Heshtja vret më shumë! Nuk ishte grup kriminal, mund të zbardhej për 3 ditë

18 Janar, 11:39