POP 5

Lajmet më të lexuara të 5 minutave të fundit

Opinion

Zaloshnja: 45% e banorëve të rritur, me të ardhura personale 0 deri në 7 euro në ditë

Në një vrojtim statistikor rigoroz kombëtar që drejtova javët e fundit, 45% e të anketuarve deklaruan se i kanë të ardhurat personale nga 0 deri në 25 mijë lekë të reja në muaj. Që përkthehen nga 0 deri në 7 euro në ditë! Ndër këta të anketuar, pothuaj gjysma i kishin të ardhurat personale nga 0 deri në 3.5 euro në ditë

Zaloshnja: 45% e banorëve të rritur, me të ardhura personale 0 deri në 7 euro në ditë

Foto ilustruese

Në një vrojtim statistikor rigoroz kombëtar që drejtova javët e fundit, 45% e të anketuarve deklaruan se i kanë të ardhurat personale nga 0 deri në 25 mijë lekë të reja në muaj. Që përkthehen nga 0 deri në 7 euro në ditë! Ndër këta të anketuar, pothuaj gjysma i kishin të ardhurat personale nga 0 deri në 3.5 euro në ditë.

Meqë kampioni i vrojtimit ishte përfaqësues statistikisht i të gjithë banorëve të rritur (të punësuar, të vetëpunësuar, pensionistë, shtepiake, të papunë, studentë etj.), përgjigjet e të anketuarve japin një panoramë të përgjithshme të nivelit të të ardhurave personale në rang kombëtar për popullsinë e rritur. Dhe sadoqë në vetëdeklarimin e të ardhurave personale, jo gjithmonë ka sinqeritet, tabloja e përftuar nga ky vrojtim duket shumë e zymtë.

Në kushtet e rritjes galopante të çmimeve të karburantit dhe produkteve ushqimore, shumë shqiptarë nuk do të mbijetonin vetëm me të ardhurat personale, në qoftë se nuk do të vazhdonin tu vinin dërgesat e parave nga emigracioni (në gjuhën financiare ndërkombëtare quehen remitanca, të cilat ishin pothuaj 1 miliard euro në 12 muajt e fundit, sipas Bankës së Shqipërisë ).

Por dimri i vështirë ekonomik që pritet si në vendet ku jetojnë emigrantët dërgues të remitancave, ashtu edhe në Shqipëri, do ta bëjë shumë të vështirë jetesën për 45% të banorëve të rritur me të ardhura 0 deri në 7 euro në ditë, e sidomos për ata me 0 deri në 3.5 euro në ditë.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Luli: 07/10/2022 16:08

    O Zaloshnja mos u lodh kot me bo "vrojtim statistikor rigoroz kombëtar" per te ardhurat ne Shqiperi, se parate dhe mekatet nuk i tregojne shqiptaret, aq me teper kur ne Shqiperi ka mbi 40 % informalitet, kete e thone organizmat nderkombetar, siç duket ti paske bere "vrojtim statistikor" me pleqt e lagjes, prandaj....

    Përgjigju
  • Tani: 07/10/2022 15:25

    Bravo. Ky eshte realiteti i trishte shqiptar, pertej propagandes qeveritare.

    Përgjigju
  • Tata: 07/10/2022 14:31

    Jane me makina e vila kjo pjese,drogaxhijte punesojne pa deklarime.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Economic Times': Shqipëria mes vendeve ideale evropiane për të vizituar në 2025

'Economic Times': Shqipëria mes vendeve ideale evropiane për të vizituar në 2025

24 Nëntor, 07:20