POP 5

Lajmet më të lexuara të 5 minutave të fundit

Opinion

Zaloshnja: Bashkia Tiranë ka ndoshta më shumë banorë se sa regjistroi CENSI-23

Nga CENS-23 rezultoi se, në fund të shtatorit të vjetshëm, Shqipëria kishte pothuaj 2 milionë banorë të rritur (18 vjeç e sipër). Nga një sondazh rigoroz në gjithë territorin e vendit, që drejtova vjet në vjeshtë, më rezultoi pothuaj e njëjta shifër.

Zaloshnja: Bashkia Tiranë ka ndoshta më shumë banorë se sa regjistroi CENSI-23

Foto ilustruese

Nga CENS-23 rezultoi se, në fund të shtatorit të vjetshëm, Shqipëria kishte pothuaj 2 milionë banorë të rritur (18 vjeç e sipër). Nga një sondazh rigoroz në gjithë territorin e vendit, që drejtova vjet në vjeshtë, më rezultoi pothuaj e njëjta shifër (që e kam publikuar sa herë kam bërë ekstrapolime të përafërta të preferencave të zgjedhësve të këtushëm gjatë 10 muajve të fundit).

Nga CENS-23 rezultoi se, në fund të shtatorit të vjetshëm, Bashkia Tiranë kishte pothuaj 480 mijë banorë të rritur (18 vjeç e sipër). Nga një sondazh rigoroz në gjithë territorin e Bashkisë Tiranë, që drejtova në vjeshtën e 2022, më rezultoi shifra 580 mijë banorë të rritur (18 vjeç e sipër). Pra, 100 mijë më shumë se sa rezultoi nga CENS-23.

Meqënëse metodologjia ka qenë e njëjtë si në nivel kombëtar edhe atë lokal, diçka kërcet statistikisht…

Kështu, në sondazhin tim pothuaj 10% e të anketuarve banonin në Tiranë, por ishin të regjistruar në Gjendjet Civile të bashkive të tjera. Ka gjasa që familjet e tyre t’i kenë raportuar si banues në bashkitë e origjinës, kur u kanë shkuar anketuesit e Censit atje.

Të shumtë janë edhe studentët nga rrethet, që banojnë rregullisht në Tiranë, por që mund të jenë regjistruar në CENS-23 si banues në familjet e tyre në rrethe.

Gjithashtu, si dikush i lindur e i thinjur në kryeqytet, di shumë raste kur prindërit tiranas vizitojnë fëmijët e tyre në emigracion me intervale të gjata. Ka gjasa që anketuasit e Censit të mos i kenë regjistruar dot këta prindër në Tiranë, ngaqë shtëpia e tyre ka qenë e mbyllur me muaj. Nëpër rrethe, informacionin në raste të tilla mund ta japin fare kollaj fqinjët…

Se sa banorë të rritur (18 vjeç e sipër) ka saktësisht Tirana është vështirë të përcaktohet, por gjasat janë që ka më shumë se sa 480 mijët që regjistroi CENS-23…

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Joni: 30/06/2024 09:40

    Ose: Bashkitë e tjera kanë ndoshta më pak banorë se sa regjistroi CENSI-23

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu