Pasi Sekretari i Shtetit Blinken e shpalli Berishën persona non grata, Ambasadorja Yuri Kim, tek shkallët e ShQUP-it, u bëri thirrje anëtarëve/votuesve të PD-së që “të mos hanin bar” për hir të Berishës. Një referencë kjo ndaj thënies së dikurshme të Enver Hoxhës “Ne edhe bar hamë, por nuk u përulemi imperialistëve amerikanë”.
Pas asaj deklarate të fortë të Ambasadores Kim (dhe një vizite të Philip T. Reeker tek SHQUP-i), Basha eventualisht e pezulloi Berishën nga grupi parlamentar i PD-së më 9 shtator. Dhe ai vendim u duk si gozhda e fundit në arkivolin politik të Berishës, njeriut që e kishte marrë Bashën nga hiçi, dhe e kishte bërë eventualisht kryetarin e partisë numër dy në Shqipëri.
Por ata që e njohin mirë Berishën e dinë se ai mund të bjerë knock down nga një goditje treshe Kim-Reeker-Basha, por jo knock out…
(Parantezë: Bash kur Basha e pezulloi Berishën nga grupi parlamentar i PD-së, më rastisi të zhvilloj një sondazh tejet rigoroz, me intervista ballëpërballë në çdo cep të Shqipërisë, nga i cili rezultoi se përkrahësit e Bashës ndër banorët e rritur ishin në raport 1 me 1 me përkrahësit e Berishës)
Pas goditjes së Bashës, Berisha filloi serinë e gjatë të foltoreve, që sipas sondazheve publike në televizione private dhe të disa sondazheve private të pabëra publike, dukej se po shtonin përkrahësit e Berishës dhe po pakësonin përkrahësit e Bashës. Nëpër foltore, Berisha e deklaroi qartë se Basha do të shkarkohej, dhe kryetar synonte të rikthehej ay vetë. Ndërkohë, pjesëmarrësit e foltoreve dhe qindra mijëra përkrahësit e tyre dukej se po i kollofisnin të gjitha llokumet e servirura nga Berisha nëpër foltore…
Në një situatë të tillë, ku dukej qartë se Berisha po rikthehej në krye të PD-së, Ambasadorja Kim ndërhyri edhe një herë publikisht duke deklaruar se SHBA do ta izolojë diplomatikisht PD-në, në qoftë se në krye të saj vjen një persona non grata (nënkupto Berisha).
Dhe cili qe rezultati i deklaratës së Ambasadores Kim?
Ata delegatë të Kuvendit të PD-së që kishin firmosur në fshehëtësi për Kuvendin e Berishës të 11 dhjetorit, filluan të shfaqen publikisht nga dita në ditë. Ndërkohë, sondazhet (publike e private) tregojnë një raport 5 me 1 të përkrahësve të Berishës ndaj Bashës në elektoratin e djathtë.
Me pak fjalë, fishekët publikë të Ambasadores Kim kanë rezultuar kapsolla që nuk ngjallin frikë në sinorin elektoral të PD-së. Ku ka 30 vjet që bariu Berisha e dominon grigjën…
Komente
Lajme të tjera
-
Theu rekordin e Mike Tyson, ndahet nga jeta në moshën 35-vjeçare boksieri Paul Bamba
28 Dhjetor, 10:05 -
SHBA: Rusia mund të jetë përgjegjëse për rrëzimin e aeroplanit të Azerbajxhanit
28 Dhjetor, 09:37 -
Donald Trump i kërkon Gjykatës së Lartë të shtyjë ndalimin e TikTok për të mundësuar një ‘zgjidhje politike’
28 Dhjetor, 08:27 -
Shtëpia ikonike e ‘I vetëm në shtëpi’ shitet për 5.2 milionë dollarë
27 Dhjetor, 21:45 -
'Trazirat politike në botë mund të sjellin telashe për ekonominë globale në 2025', analiza e CNN: Ja ndikimi i presidentit Trump
27 Dhjetor, 21:37 -
Ylli Pata: Radiografia e linçimit publik, si një diagnozë politike
27 Dhjetor, 21:26
-
'Luftë civile' në kampin e Trump, të gjithë kundër Musk pasi i doli në krah emigrantëve të kualifikuar
27 Dhjetor, 21:22 -
Nju Jork, i vuri flakën një gruaje në metro, 33 vjeçari nën akuzë për vrasje e zjarrvënie
27 Dhjetor, 21:08 -
Kina, sanksione ndaj 7 kompanive si kundërpërgjigje ndaj ndihmës ushtarake amerikane për Tajvanin
27 Dhjetor, 20:56 -
Planet e administratës së re amerikane për reformimin e FBI-së
27 Dhjetor, 20:45 -
SHBA-të vendosin sanksione ndaj ish-kryeministrit gjeorgjian, miliarderit Bidzina Ivanishvili! Akuzohet si pro-rus
27 Dhjetor, 20:13 -
Mali i Zi urdhëron ekstradimin në SHBA të ish-bosit koreanojugor të kompanisë së kriptomonedhave
27 Dhjetor, 19:39
Ne kete vend duhet te marre fund tradita e te fortit.. Berisha nuk mund te mbaje peng nje popull per femijet e vet.. secili te paguaje ate qe ka bere
Përgjigju