POP 5

Lajmet më të lexuara të 5 minutave të fundit

Opinion

Zaloshnja: Nëse është përgjysmuar popullsia, kush do të votojë për opozitën?

Berisha ka disa muaj që deklaron se popullsia banuese në Shqipëri është përgjysmuar në dekadën e fundit. E përkthyer në shifra të thjeshta arithmetike, i bie që në Shqipëri të kenë mbetur vetëm 1.4 milionë banorë

Zaloshnja: Nëse është përgjysmuar popullsia, kush do të votojë për opozitën?

Kaosi në Kuvend

Berisha ka disa muaj që deklaron se popullsia banuese në Shqipëri është përgjysmuar në dekadën e fundit. E përkthyer në shifra të thjeshta arithmetike, i bie që në Shqipëri të kenë mbetur vetëm 1.4 milionë banorë (me çilimij, të rritur e pleq gjithsej).

Po vetëm para tetë muajsh, votuan zyrtarisht në Shqipëri plot 1.4 milionë zgjedhës (18 vjeç e sipër, sipas KQZ-së së kryesur nga Celibashi). Të kenë votuar edhe çiliminjtë? Apo zbarkuan qindra mijra emigrantë me anije e aeroplanë atë fundjave në Shqipëri? (Sipas të dhënave zyrtare të TIMS, rreth 30 mijë shtetas shqiptarë dolën nga Shqipëria, e vetëm 41 mijë u futën në fundjavën e 14 majit 2023).

Sidoqoftë, le të supozojmë për një çast se pas zgjedhjeve të 14 majit të vjetshëm, ka ndodhur një eksod biblik, ku qindra mijra shqiptarë u larguan nga sytë këmbët pas fitores së socialistëve në pothuaj çdo bashki të vendit. Por nëse sot kanë mbetur vetëm 1.4 milionë banorë (siç pretendon Berisha), i bie që të kenë mbetur vetëm 1 milionë zgjedhës këtu (sepse rreth 400 mijë i bie të jenë fëmijë dhe adoleshentë). Dhe si mund të fitojë opozita (edhe sikur të jetë super e bashkuar) në një situatë të tillë demografike?

Para 8 muajsh, sipas KQZ-së, rreth 800 mijë zgjedhës votuan për kryebashkiakë socialistë (rreth 600 mijë votuan për kryebashkiakë opozitare të BF, PD, etj. etj.). Dhe në fakt, për PS-në dhe satelitët e saj të vegjël kanë votuar rregullisht rreth 800 mijë zgjedhës qysh nga 2009-ta e deri më sot (si kur Rama ishte në opozitë, edhe tani që është në pozitë).

Pra ngrihet pyetja: Si do të përballet Berisha me murin elektoral 800-mijësh të Ramës, kur beson se vetëm 1 milion zgjedhës kanë mbetur gjithsej në Shqipëri? Shpreson se do të zbarkojnë qindra mijra emigrantë opozitarë me anije e aeroplanë për të votuar në ditën e zgjedhjeve? Apo shpreson se do të arrihet votimi elektronik i emigrantëve deri më 2025?

Po edhe nëse u krijohet mundësia e votimit elektronik, a do të votojnë qindra mijra emigrantë për opozitën???

Po emigrantë të majtë nuk ekzistokan???

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Miri: 11/02/2024 12:25

    Vend qe nuk ka te ardhme. Fiton vetem nje parti zgjedhjet. Ska opozite.

    Përgjigju
  • Kuli: 30/01/2024 16:13

    O zaloshnja na thuaj sa jane e burre se ti me siguri e di.

    Përgjigju
    • statisticieni: 30/01/2024 17:53

      O Kuli, po Zaloshnja e ka thene ne tabele me numra shume te dukshem: 800000+600000+640000=2040000 ne moshe per votim

  • Kasem Gahinjit: 30/01/2024 15:19

    Mos e bej kaq tragjike.50 vota i Ka te Sigurtà vetem nga ATA qe shkojne ne mitingun e darkes te rruga MM

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi 3 baza amerikane në Britani

Dronë misteriozë shihen mbi 3 baza amerikane në Britani

24 Nëntor, 07:41