Në listat e zgjedhësve vjet në prill ishin rreth 3 milionë e 600 mijë shtetas 18 vjeç e sipër. Nga këta, rreth 1 milion e 500 mijë ishin në emigracion. (Kështu rezulton nga ndërthurja e të dhënave të INSTAT-it, Bankës Botërore dhe Barometrit Ballkanik, të financuar nga NED-i amerikan.)
Nga rreth 2 milionë e 100 mijë zgjedhës që nuk ishin vjet në emigracion (pra ishin në atdhe), 1 milion e 660 mijë morrën pjesë në zgjedhjet parlamentare të prillit të vjetshëm – 46.3% e zgjedhësve në lista ose rreth 80% e zgjedhësve që ishin në atdhe.
Nga 1 milion e 660 mijë zgjedhës që votuan vjet, rreth 60 mijë kanë ikur në botën tjetër ose drejt emigracionit – po t’i mbetemi besnikë koeficientëve zyrtarë të vdekshmërisë dhe emigracionit (që publikon periodikisht INSTAT-i). Por po të faktorizohen edhe raportimet e huaja rreth emigracionit shqiptar, firoja mund të jetë deri në 160 mijë…
Nga raportimet e mediave vendasve e të huaja duket se emigracioni ka marrë përmasa të mëdha kryesisht në zonat mbi Lumin e Tiranës e deri sipër në Has e Tropojë. Ndërkohë që nuk ka sesi të dihet se çfarë orientimi politik kanë zgjedhësit që emigrojnë nga ato zona, dihet se partitë opozitare i patën rezultatet më të mira pikërisht atje vjet në prill.
Kështu, në territorin e Bashkisë Kamëz (nga Babrruja deri në lumin e Tapizës), partitë opozitare morën së bashku 58% të votave. Në territorin e Bashkisë Krujë, morën 50.3% të votave. Në territorin e Bashkisë Kurbin, morën 68.7 të votave. Në territorin e Bashkisë Lezhë, morën 57% të votave. Në territorin e Bashkisë Mirditë, morën 60.7% të votave. Në territorin e Bashkisë Bulqizë, morën 54% të votave. Në territorin e Bashkisë Klos morën 53% të votave. Në territorin e Bashkisë Dibër, morën 58.6% të votave. Në territorin e Bashkisë Shkodër, morën 61.2% të votave. Në territorin e Bashkisë Malsi e Madhe, morën 50.2% të votave. Në territorin e Bashkisë Fushë-Arrëz, morën 53.6% të votave. Në territorin e Bashkisë Kukës, morën 61.7% të votave. Në territorin e Bashkisë Has morën 64.2% të votave. Dhe në territorin e Bashkisë Tropojë, morën plot 2/3 e votave.
Në qoftë se eksodi nga këto territore drejt Europës e Britanisë do të vazhdojë, epërsia elektorale që partitë opozitare kanë patur në to do të tkurret…
Lajme të tjera
-
Eduard Zaloshnja: SHBA në sintoni të plotë me shumicën dërrmuese të zgjedhësve shqiptarë
19 Dhjetor, 13:41
-
Eduard Zaloshnja: Nëse SPAK-u do të ishte një parti politike, do të ishte absolutisht e para
17 Dhjetor, 12:36
-
Sondazhi: Cili është personazhi i vitit me më shumë ndikim në zhvillimet e vendit
16 Dhjetor, 12:21
-
Eduard Zaloshnja: A do të bëhen partitë e reja pengesë për 84 mandatet e Ramës?
15 Dhjetor, 12:44
-
Eduard Zaloshnja: Ndoshta tek 35-vjetori i PD-së do të shkoj…
14 Dhjetor, 12:40
-
Eduard Zaloshnja: Gjysma e elektoratit historik të PD-së ka firuar…
13 Dhjetor, 17:35
-
Sondazhi i Report Tv/ Nëse votohet sot, PS merr mandatin e 4! Bie mbështetja për PD, rriten me 5% partitë e reja! Dumani kampion i antikorrupsionit, diaspora: Mesazh kundër Berishës
12 Dhjetor, 22:59 -
Eduard Zaloshnja: Sondazhi - Kujt i japin më shumë të drejtë kryeqytetasit në përplasjen Berisha-Veliaj?
11 Dhjetor, 10:02
-
Eduard Zaloshnja: 600 milionë euro më 2025 vetëm për interesesat e borxhit të akumuluar ndër dekada
10 Dhjetor, 13:05
-
Eduard Zaloshnja: Tiranës i duhet një metro!
8 Dhjetor, 15:09
-
Eduard Zaloshnja: 48.1% e shtetasve shqiptarë nuk banojnë në Shqipëri
6 Dhjetor, 15:48
-
Eduard Zaloshnja: Tkurrje dramatike e segmentit të ish-të përndjekurve në elektoratin e PD-së së Berishës
5 Dhjetor, 15:09
