POP 5

Lajmet më të lexuara të 5 minutave të fundit

Opinion

Zaloshnja: Panorama statistikore e punësimit të banorëve të rritur në Shqipëri

Në një sondazh rigoroz që drejtova kohët e fundit, zhvilluar me rreth 1100 anketime të drejtpërdrejta në terren nga Konispoli në Vermosh, të anketuarit e moshave mbi 18 vjeç e sipër u pyetën edhe për punësimin e tyre.

Zaloshnja: Panorama statistikore e punësimit të banorëve të rritur në Shqipëri

Foto ilustruese

Në një sondazh rigoroz që drejtova kohët e fundit, zhvilluar me rreth 1100 anketime të drejtpërdrejta në terren nga Konispoli në Vermosh, të anketuarit e moshave mbi 18 vjeç e sipër u pyetën edhe për punësimin e tyre. Ja çfarë panorame statistikore të punësimit në Shqipëri na dha ky sondazh rigoroz.

Rreth 66.2% e banorëve të rritur janë aktualisht të punësuar/vetëpunësuar në Shqipëri. Me ekstrapolim të përafërt, kjo përqindje përkthehet në rreth 1 milion e 323 mijë banorë të rritur të punësuar/vetëpunësuar. Rreth 3.9% e banorëve të rritur (ose rreth 77 mijë) janë në kërkim të një vendi pune, ndërsa rreth 30% (ose rreth 600 mijë) të tjerë as janë në punë e as kërkojnë punë (shihni tabelën e mëposhtme). Tek ky grupi i fundit përfshihen pensionistët e pleqërisë apo invaliditetit, shtëpiaket, si dhe studentët që nuk shkojnë në punë pasdite.

Dy grupet e para në tabelën e mësipërme formojnë atë që në literaturën ekonomike quhet forca aktive e punës, e cila aktualisht ka në përbërje rreth 1.4 milionë banorë të rritur të Shqipërisë (ka në përbërje plus edhe disa mijëra adoleshentë që punojnë, por ata nuk janë përfshirë në sondazhin e sipërcituar). Nga 1.4 milionët e mësipërm, vetëm 77 mijë janë në kërkim të një pune që ende s’e kanë gjetur – ata përbëjnë 5.5% të forcës së rritur aktive të punës.

Bazuar në literaturën ekonomike, niveli i papunësisë në popullsinë e rritur (18 vjeç e sipër, e jo 15-64 vjeç, sa ç’është zakonisht grupmosha e referencës për punësimin) aktualisht regjistrohet pikërisht në nivelin e mësipërm 5.5%.

*SHËNIM: Nga 1.323 milionë të punësuarit/vetëpunësuarit ndër banorët e rritur, rreth 30% rezultuan të vetëpunësuar. Ndërkohë, rreth 32 mijë banorë të Shqipërisë rezultojnë që vazhdojnë të punojnë edhe pasi e kanë festuar datëlindjen e 65-të.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça