Zaloshnja: Radiografia e korrupsionit në Barometrin e Sigurisë

Zaloshnja: Radiografia e korrupsionit në Barometrin e Sigurisë

Në Barometrin e Sigurisë të CSDG-së (që u bazua në vrojtimin rigoroz statistikor që drejtova unë në gjithë territorin e Shqipërisë në periudhën 6-15 prill), kishte edhe disa pyetje rreth korrupsionit. Për shembull: “Cili mendoni se është aktualisht kërcënimi më serioz për Shqipërinë?”. Plot 2/3 e të anketuarve e shihnin korrupsionin si një ndër dy kërcënimet më të mëdha (45% si kërcënimin numër 1 dhe 22.5% si kërcënimin numër 2)!

Pyetjes tjetër “Si i vlerësoni rezultatet e Qeverisë shqiptare në luftën kundër korrupsionit?”, vetëm 17.5% e të anketuarve iu përgjigjën “mirë” ose “shumë mirë”! Ndërkohë, plot 82% mendojnë se qeveritarët shkelin ligjin ose abuzojnë me pushtetin (35% “gjithmonë”, 47% “shumicën e kohës”). Dhe 87% e të anketuarve që mendojnë kështu, thonë se zyrtarët qeveritarë që kryejnë krime mbeten pa u ndëshkuar!

Po a ka ndonjë rreze shprese ndër shqiptarët e këtushëm për luftën ndaj korrupsionit?

Në fakt ka. Kështu, pyetjes “A mendoni se SPAK është serioz në luftën kundër korrupsionit?” 28.2% e të anketuarve iu përgjigjën “Po”, dhe 36.5% të tjerë iu përgjigjën “Anoj nga po”. Me pak fjalë, pothuaj 65% e shqiptarëve të këtushëm kanë shpresë se SPAK-u do ta luftojë seriozisht korrupsionin!

SHËNIM: Vrojtimin rigoroz statistikor për Barometrin e Sigurisë të CSDG-së e kryem nga Konispoli në Vermosh me anketime nga 34 anketues profesionistë. Kampioni i përzgjedhur u ripeshua statistikisht, për ta përfaqësuar sa më mirë popullsinë e rritur të vendit gjeografikisht, demografikisht dhe politikisht.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Papa Françesku paralajmëron liderët botërorë për rreziqet nga inteligjenca artificiale

Papa Françesku paralajmëron liderët botërorë për rreziqet nga inteligjenca artificiale