POP 5

Lajmet më të lexuara të 5 minutave të fundit

Opinion

Zaloshnja: Tkurrja elektorale e opozitës: Nga Basha-Kryemadhi, tek Berisha-Meta

Në zgjedhjet parlamentare të prillit 2021, opozita kishte dy liderë të shpallur publikisht: Bashën dhe Kryemadhin. Partitë e udhëhequra prej tyre morën gjithsej 730 mijë vota të vlefshme, por duke llogaritur edhe fletëvotimet e plotësuara gabim (fletët e votimit ishin si fjalëkryq gazetash), votat për këto dy parti mund të kenë qenë afër 800 mijëshit

Zaloshnja: Tkurrja elektorale e opozitës: Nga Basha-Kryemadhi, tek Berisha-Meta

Monika Kryemadhi dhe Lulzim Basha

Në zgjedhjet parlamentare të prillit 2021, opozita kishte dy liderë të shpallur publikisht: Bashën dhe Kryemadhin. Partitë e udhëhequra prej tyre morën gjithsej 730 mijë vota të vlefshme, por duke llogaritur edhe fletëvotimet e plotësuara gabim (fletët e votimit ishin si fjalëkryq gazetash), votat për këto dy parti mund të kenë qenë afër 800 mijëshit.

Nga ana tjetër, edhe për PS-në e Ramës mund të kenë votuar 800 mijë zgjedhës në prill 2021, duke përfshirë edhe ata votues që mund t’i kenë plotësuar disa mijëra fleta votimi gabim. Sidoqoftë, si rrjedhojë e sistemit aktual elektoral, PS-ja siguroi 74 mandate parlamentare (nga 70 që i takonin sipas votës popullore kombëtare).

Vijmë tani tek një sondazh që zhvillova në 24 orët e fundit.

Vetëm 665 mijë banorë të rritur të Shqipërisë (me ekstrapolim të përafërt) rezultojnë se duan që Berisha të jetë kryeministër, megjithë përkrahjen pa rezerva të partisë së Metës dhe të shumë mediave antiqeveritare. (Kujtesë: Pothuaj 800 mijë zgjedhës votuan në prill 2021 për dy partitë kryesore opozitare.)

Nga ana tjetër, rreth 800 mijë banorë të rritur të Shqipërisë (me ekstrapolim të përafërt) rezultojnë se duan që Rama të jetë kryeministër. (Kujtesë: Për PS-në e Ramës mund të kenë votuar rreth 800 mijë zgjedhës në prill 2021, duke përfshirë edhe ata votues që mund t’i kenë plotësuar disa mijëra fleta votimi gabim).

Me pakë fjalë, opozita e sotme (Berisha-Meta) ka një deficit prej rreth 130 mijë votash, krahasuar me opozitën e djeshme (Basha-Kryemadhi), dhe deficit po prej 130 mijë votash, krahasuar me kryeministrin e sotëm (Ramën)…

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Incidenti në Detin Baltik, NATO do të rrisë praninë në rajon

Incidenti në Detin Baltik, NATO do të rrisë praninë në rajon

27 Dhjetor, 16:06