1767445719_Screenshot20260103140802.jpg

Prokurorja e përgjithshme e Shteteve të Bashkuara, Pam Bondi, ka bërë të ditur se presidenti i Venezuelës, Nicolas Maduro, është paditur penalisht në Distriktin Jugor të Nju Jorkut nën akuza të rënda që lidhen me trafik droge dhe armësh.

Sipas Bondit, Maduro akuzohet për “komplot për narko-terrorizëm, komplot për importimin e kokainës në Shtetet e Bashkuara, si dhe posedim të mitralozëve dhe mjeteve shpërthyese”. Ajo shtoi se këto veprime janë konsideruar si të drejtuara kundër SHBA-së.

Prokurorja amerikane bëri gjithashtu referencë edhe ndaj bashkëshortes së presidentit venezuelian, Cilia Flores, duke deklaruar se të dy, sipas saj, do të përballen me drejtësinë amerikane në territorin e SHBA-ve.

Bondi falënderoi forcat e armatosura amerikane për operacionin që, sipas saj, çoi në kapjen e dy personave të dyshuar për trafik ndërkombëtar droge, duke e cilësuar misionin si të suksesshëm.


Lajmi kryesor:

SHBA godet bazat ushtarake në Venezuelë, kapen Maduro dhe gruaja e tij! Trump: Ne do të qeverisim deri në tranzicion, Machado nuk ka mbështetje