Venezuelë - Shtetet e Bashkuara kanë nisur një sulm të madh në disa vende në Venezuelë, përfshirë bazat ushtarake në vend. Presidenti i SHBA-së, Donald Trump, tha se ushtria amerikane ka "kapur Presidentin Venezuelian Maduro dhe gruan e tij, Cilia Flores, dhe i ka nxjerrë jashtë vendit ", në një aksion të kryer "në koordinim me administratën e drejtësisë amerikane".
Një konferencë për shtyp për të shpjeguar detajet e aksionit është planifikuar për në orën 5 pasdite në rezidencën e Trump në Mar-a-Lago, Florida. Maduro u akuzua nga Shtetet e Bashkuara se po drejtonte një "narko-shtet" dhe se kishte manipuluar zgjedhjet që e sollën në pushtet. Udhëheqësi venezuelian, i cili mori pushtetin pas Hugo Chavez, u përgjigj duke akuzuar SHBA-në se po përpiqej të sekuestronte rezervat e naftës së Venezuelës, më të mëdhatë në botë.
Prokurorja e përgjithshme e Shteteve të Bashkuara, Pam Bondi, ka bërë të ditur se presidenti i Venezuelës, Nicolas Maduro, është paditur penalisht në Distriktin Jugor të Nju Jorkut nën akuza të rënda që lidhen me trafik droge dhe armësh.
Trump , i cili urdhëroi sulmin, kishte ngritur në javët e fundit mundësinë e sulmeve tokësore kundër Venezuelës në emër të një "lufte kundër karteleve të drogës" dhe kishte deklaruar se ditët e Presidentit Venezuelan Nicolás Maduro ishin "të numëruara" .
Shënjestra: Parlamenti dhe mauzoleu i Çavezit
Sulmi, të cilin Trump e përshkroi si "në shkallë të gjerë", shkaktoi shpërthime të fuqishme duke filluar në orën 2 të mëngjesit sipas orës lokale në kryeqytetin e Venezuelës, Karakas, dhe vende të tjera në shtetet Miranda, Aragua dhe La Guaira, ku qeveria konfirmoi se ishin goditur disa baza ushtarake.
Menjëherë pas sulmit, Presidenti kolumbian Gustavo Petro ndau një listë të vendeve të goditura, duke përfshirë ndërtesën e Parlamentit në Karakas dhe Cuartel de la Montaña, shtëpia e mauzoleut shumë simbolik të Hugo Chávez.
Sipas Petros, Fuerte Tiuna, kompleksi kryesor ushtarak i vendit, dhe baza ajrore La Carlota në qendër të kryeqytetit, u goditën gjithashtu në Karakas. Përpara njoftimit të Trump për kapjen e Maduros, Petro kishte njoftuar gjithashtu nisjen e një plani mbrojtës ushtarak për pallatin presidencial Miraflores. Jashtë kryeqytetit, objektiva të tjera të përmendura përfshijnë bazën e avionëve luftarakë F-16 në Barquisimeto, bazën ushtarake të helikopterëve Higuerote, aeroportin El Hatillo dhe aeroportin privat të Charallave, në jug të Karakasit.
Kapja e Maduros dhe gruas së tij iu besua - sipas asaj që raporton CBS - Forcës Delta.
"Ne do të mbrohemi": thirrja për luftë guerile
Qeveria venezueliane, përpara njoftimit të arrestimit të Maduros dhe menjëherë pas sulmit, foli për një "sulm shumë serioz" dhe u bëri thirrje të gjitha forcave politike dhe shoqërore të aktivizojnë planet e mobilizimit. "Ne do të mbrohemi", deklaroi qeveria në Karakas. "Shtetet e Bashkuara nuk do të jenë në gjendje të fusin në dorë burimet e vendit tonë".
E njëjta deklaratë qeveritare raportoi se Maduro kishte "nënshkruar dhe urdhëruar zbatimin e dekretit që shpallte një gjendje trazirash të jashtme", domethënë një emergjencë kombëtare, me qëllim "mbrojtjen e të drejtave të popullsisë, funksionimin e plotë të institucioneve republikane dhe kalimin e menjëhershëm në luftën e armatosur".
Po kështu, ai urdhëroi vendosjen e menjëhershme të Komandës për Mbrojtjen Integrale të Kombit dhe degëve të saj në të gjitha shtetet dhe komunat e vendit. CODIN është një organ që koordinon mbrojtjen, forcat publike dhe njerëzit e thjeshtë, dhe është i aftë të organizojë veprime guerile, si dhe ushtarake, nëse është e nevojshme.
Deklarata e qeverisë përmend "Nenin 51 të Kartës së OKB-së": Venezuela "rezervon të drejtën e vetëmbrojtjes për të mbrojtur popullin e saj, territorin dhe pavarësinë e saj [...] dhe u bën thirrje qeverive të Amerikës Latine, Karaibeve dhe botës të mobilizohen në solidaritet".
Menjëherë pas kësaj, presidenti i Kolumbisë fqinje, Gustavo Petro, bëri thirrje për takime urgjente të Kombeve të Bashkuara dhe Organizatës së Shteteve Amerikane (OAS).
"Ata po bombardojnë Karakasin tani. Njoftoni të gjithë botën: ata kanë sulmuar Venezuelën. Po bombardojnë me raketa. OAS dhe OKB duhet të takohen menjëherë", shkroi Petro në X.
Kolumbia është anëtare e Këshillit të Sigurimit të OKB-së. Petro shprehu shpresën se ai mund të "vendosë ligjshmërinë ndërkombëtare të agresionit kundër Venezuelës. Posta e Komandës së Bashkuar është aktivizuar në Cucuta dhe plani operativ është duke u zbatuar në kufi".
Dëshmitë
Disa dëshmitarë të cituar nga agjencitë ndërkombëtare folën për avionë ushtarakë që u panë duke fluturuar në lartësi të ulët.
"Po ndjek situatën me përfaqësinë tonë diplomatike në Karakas, me vëmendje të veçantë ndaj komunitetit italian", komentoi Ministri i Jashtëm Antonio Tajani , duke specifikuar se Kryeministrja Giorgia Meloni është vazhdimisht e informuar.
Banorët e disa lagjeve dolën në rrugë; disa shpërthime ishin të dukshme në distancë nga pjesë të ndryshme të kryeqytetit. Sipas CNN, disa lagje në kryeqytet mbetën pa energji elektrike.Përshkallëzimi i tensioneve midis Trump dhe Venezuelës
Tensionet midis Shteteve të Bashkuara dhe qeverive të Venezuelës kanë qenë të larta për javë të tëra, dhe ditët e fundit ushtria amerikane ka shënjestruar anije që dyshohet se përdoren nga trafikantët e drogës. Presidenti Trump njoftoi të hënën se SHBA-të kishin shkatërruar një vend zbarkimi të përdorur nga anijet e dyshuara për pjesëmarrje në trafikun e drogës në Venezuelë - sulmi i parë tokësor i SHBA-së në tokën e Venezuelës.
Sipas zyrtarëve ushtarakë amerikanë të cituar nga CBS, Trump i kishte dhënë dritën jeshile planit për sulmin e sotëm ditë më parë. Mundësia e kryerjes së misionit ditën e Krishtlindjeve ishte marrë në konsideratë, por sulmet ajrore amerikane në Nigeri kundër objektivave të Shtetit Islamik kishin përparësi, thanë burimet.
Të premten, Venezuela tha se ishte e hapur për të negociuar një marrëveshje me Shtetet e Bashkuara për të luftuar trafikun e drogës.
Megjithatë, Maduro tha në një intervistë të pararegjistruar të transmetuar të enjten se Shtetet e Bashkuara synojnë të detyrojnë një ndryshim qeverie në Venezuelë dhe të fitojnë akses në rezervat e saj të mëdha të naftës përmes një fushate presioni disamujore, e cila filloi me një vendosje masive ushtarake në Detin e Karaibeve gushtin e kaluar./Corriere della Sera
Lajm ne perditesim...
Prokurorja e përgjithshme e Shteteve të Bashkuara, Pam Bondi, ka bërë të ditur se presidenti i Venezuelës, Nicolas Maduro, është paditur penalisht në Distriktin Jugor të Nju Jorkut nën akuza të rënda që lidhen me trafik droge dhe armësh.
Sipas Bondit, Maduro akuzohet për “komplot për narko-terrorizëm, komplot për importimin e kokainës në Shtetet e Bashkuara, si dhe posedim të mitralozëve dhe mjeteve shpërthyese”. Ajo shtoi se këto veprime janë konsideruar si të drejtuara kundër SHBA-së.
Prokurorja amerikane bëri gjithashtu referencë edhe ndaj bashkëshortes së presidentit venezuelian, Cilia Flores, duke deklaruar se të dy, sipas saj, do të përballen me drejtësinë amerikane në territorin e SHBA-ve.
Bondi falënderoi forcat e armatosura amerikane për operacionin që, sipas saj, çoi në kapjen e dy personave të dyshuar për trafik ndërkombëtar droge, duke e cilësuar misionin si të suksesshëm.
Në Venezuelë, në mungesë të presidentit, pushteti kalon tek zëvendëspresidenti i tij, sipas asaj që përcakton Kushtetuta.
«Nëse mungesa e Presidentit të Republikës ndodh gjatë katër viteve të para të legjislaturës kushtetuese, zgjedhje të reja të përgjithshme duhet të shpallen brenda tridhjetë ditëve të ardhshme. Deri në zgjedhjen dhe betimin e një presidenti të ri, zëvendëspresidenti ekzekutiv do të ushtrojë detyrën e tij», shkruhet në dokumentin e cituar nga agjencia e lajmeve ruse Ria Novosti.
Pra, pushteti tani ndodhet në duart e zëvendëspresidentes së Venezuelës, Delcy Rodriguez.
Demokrati Ervin Salianji ka reaguar në Facebook lidhur me zhvillimet e fundit në Venezuelë, duke i cilësuar ato si një shpresë për ndryshim edhe në Shqipëri.
Në një postim në rrjetet sociale, Salianji shkruan se ngjarjet në Venezuelë tregojnë se, sipas tij, regjimet që mbahen me krim, korrupsion dhe shtypje janë të përkohshme dhe se, kur drejtësia ndërkombëtare lëviz, asnjë pushtet i ndërtuar mbi frikën nuk është i sigurt.
'Një agim i ri për Venezuelën, një shpresë e madhe për agim të ri në Shqipëri Për ata që thonë se Shtetet e Bashkuara nuk kanë instrumente për të ndryshuar regjime kriminale, mjafton t’i hedhin një sy gangsterit të Venezuelës. Regjimet që mbahen me krim, korrupsion dhe shtypje mund të duken të forta, por janë të përkohshme.Kur drejtësia ndërkombëtare lëviz, asnjë pushtet i ndërtuar mbi frikën nuk është i sigurt.Edhe në Shqipëri, kush mendon se pushteti i mbështetur te bandat, manipulimi dhe kapja e institucioneve është i përjetshëm, gabon rëndë.Historia e regjimeve kriminale ka një fund të përbashkët: shembjen!', shkruan Salianji
Salianji është pjesë e një lëvizjeje të brendshme në Partinë Demokratike, së bashku me disa demokratë të tjerë, të cilët kanë kërkuar përmirësim të mënyrës sesi funksionon Partia Demokratike dhe rienergjizimin e kësaj force politike në opozitë prej vitit 2013 .
Nicolas Maduro
Kapja e presidentit venezuelian Nicolás Maduro nga Delta Force amerikane duket si një “nxjerrje e negociuar”. Ky është vlerësimi i shprehur për Sky News nga burime të opozitës venezueliane.
Zëvendëssekretari i Shtetit të SHBA-së, Christopher Landau, ka deklaruar se për Venezuelën sot ka nisur një “agim i ri”, pas aksionit amerikan të ndërmarrë në këtë vend të Amerikës Latine.
“Është një agim i ri për Venezuelën. Tirani është larguar. Më në fund do të përballet me drejtësinë për krimet e tij”, deklaroi Landau në rrjetin social X, duke i bashkëlidhur postimit të tij njoftimit të Presidentit Donald Trump.
Deklarata vjen si reagim pas operacionit të shpallur nga autoritetet amerikane, në të cilin u njoftua kapja e presidentit venezuelian Nicolás Maduro dhe transferimi i tij jashtë vendit.
Shtetet e Bashkuara nisën një sulm ndaj disa vendeve në Venezuelë, duke përfshirë bazat ushtarake në vend.
Shpërthime të fuqishme u dëgjuan në orën 2 të mëngjesit sipas orës lokale në kryeqytetin e Venezuelës, Karakas, dhe vende të tjera në shtetet Miranda, Aragua dhe La Guaira.
Nga pamjet e publikuara shihet momenti kur avionët ushtarakë patrullojnë në një lartësi mestare mes shpërthimeve dhe reve të tymit të krijuara nga këto sulme.
Sipas CBS News, diktatori i Venezuelës, Nicolas Maduro, është kapur nga Delta Force, njësia speciale elitare e ushtrisë amerikane.
Delta Force, një njësi elitare që i përket ushtrisë së Shteteve të Bashkuara, ka qenë gjithashtu përgjegjëse për misionin e vitit 2019, gjatë të cilit u vra ish-udhëheqësi i Shtetit Islamik (ISIS), Abu Bakr al-Baghdadi.
Presidenti Donald Trump ka reaguar për herë të parë në rrjetin social Truth për sulmet ushtarake në Venezuelë.
Fillimisht ai konfirmon pretendimet e mediave të huaja se Shtetet e Bashkuara të Amerikës janë autore të sulmit, si dhe bën me dije se diktatori Nicolas Maduro dhe bashkëshortja e tij janë kapur nga forcat amerikane, dhe janë nxjerrë jashtë vendit.
Postimi i plotë i Donald Trump:
Shtetet e Bashkuara të Amerikës kanë kryer me sukses një sulm në shkallë të gjerë kundër Venezuelës dhe udhëheqësit të saj, presidentit Nicolás Maduro, i cili, së bashku me bashkëshorten e tij, është kapur dhe është nxjerrë jashtë vendit. Ky operacion u krye në bashkëpunim me forcat e rendit të SHBA-së. Detaje të tjera do të pasojnë. Sot, në orën 11:00, do të mbahet një konferencë për shtyp në Mar-a-Lago. Faleminderit për vëmendjen ndaj kësaj çështjeje!
Presidenti DONALD J. TRUMP
Këto janë pamjet të cilat vijnë si pasojë e një nga shpërthimet të ndodhura në orët e para të mëngjesit të sotëm në Venezuelë.
Video e publikuar nga CNN tregon shpërthimin në portin venezuelian të La Guaira, i cili ndodhet më pak se 10 milje në veri të Karakasit qendror.
Komente
Lajme të tjera
-
Bjellorusia paralajmëron SHBA-të, Lukashenko: Venezuela do të jetë një Vietnam i dytë!
3 Janar, 14:15 -
A kishte rol Britania e Madhe në kapjen e Maduros? Starmer sqaron faktet!
3 Janar, 14:11 -
Zbardhen akuzat ndaj Maduros, Prokurorja e Përgjithshme e SHBA-ve: Në Nju Jork akuzohet për terrorizëm, trafik droge dhe armësh
3 Janar, 14:03 -
Kapja e Maduros nga SHBA dhe sulmet në Venezuelë/ BE: Të respektohet ligji ndërkombëtar! Rusia dhe Amerika Latine dënojnë ndërhyrjen e Uashingtonit
3 Janar, 13:45 -
Fati i Maduros alarmon Rusinë, Ministria e Jashtme: Shkelje e sovranitetit të një shteti të pavarur!
3 Janar, 13:29 -
Këshilli Evropian reagon për situatën në Venezuelë, Kosta: Mbështesim zgjidhje paqësore dhe demokratike!
3 Janar, 13:20 -
'SHBA përgjegjëse për fatin e Maduros', Prokurori i Venezuelës: Kërkoj prova që është gjallë!
3 Janar, 13:13 -
Nga Noriega te Maduro, si e larguan SHBA-të presidentin venezuelian nga vendi
3 Janar, 12:59 -
Kreshnik Spahiu: Pse ëndërrojnë idiotët se SHBA do sulmojë Shqipërinë si Venezuelën?
3 Janar, 12:46
-
Sulmi në Venezuelë? Veprim i CIA-s! Historia e gjatë e ndërhyrjeve të SHBA-së në ‘oborrin e shtëpisë’
3 Janar, 12:33 -
Sulmi i SHBA në Venezuelë, reagon Salianji: Shpresë për një agim të ri në Shqipëri!
3 Janar, 12:07 -
Nga Somalia në Iran, nga Siria në Venezuelë: Të gjitha sulmet e kryera nga SHBA që nga koha kur Trump u rikthye si president
3 Janar, 11:59
Doli dhe harixhiu babalja te flasi per politik nderkombetare.Se ca lidhje ka Venizuela me Shqiperin se kuptojm dot se ne skemi miniera ari sic ka atje ,cfare do marri Anerika nga Shqiperia bunkeret e Enverit qe kane ngelur apo fabrikat dhe uzinat qe i beri shkrumb e hi Sali Berisha?Ketu opozita ben propagand si te luftojn shqiptaret me shqiptaret dhe sot po enderrojn shkaterrimin e vendit.
PërgjigjuNè shtete tè rèna, ku korrupsioni dhe krimi gèrshetohen dhe shkaktojnè emigrim masiv, nuk mund tè jeshè superfuqi ekonomike dhe ushtarake, dhe tè lejosh qè rrumpalla e tè tjerève, tè bèhet nesèr e jotja. Pèr mendimin tim, Edvin Rama èshtè nè po tè njèjtèn situatè sot. Tani qè edhe reforma nè drejtèsi, e financuar dhe organizuar nga amerikanèt sè pari, po sulmohet haptas nga ky dèrdèllitès maraton qè ka vetèm hajdutè rreth vetes,,,e bèn largimin e tij nga zyrat e shtetit shqiptar, njè domosdoshmèri Nèse duan ta marrin me helikopter,,,le tè marrèn atè mè tè madhin qè kanè JU LUTEMI. Le tè ketè vènd boll edhe pèr Sali dhe Ilir hajdutin. Asnjè,,,,,edhe njèherè e them,,,,ASNJÈ SHQIPTAR,,,,nuk do dalè tè pyesè se pse i merrni,,,,pèrkundrazi, do iu ndihmojnè ti kini tè lidhur nè brendèsi tè helikopterit,,,,pa lèvizur amerikanèt vetè, as gishtin e vogèl. Kjo èshtè situata shqiptare sot.!!!
PërgjigjuPër kë po flet ky burgaxhiu për Sali non gratën...
PërgjigjuThoni po deshët që Trampi nuk është politikan,e usht.i zoti që sulmon të 'FORTËT,se po të jetë për të dobëtit ai me një frymë i bënë njërën.Po kush janë më të dobëtit,si largë qoftë KINA,RUSIA ,INDIA DHE LARG QOFTË DHE NË MOS KOREJA E VERIUT.Kjo është ajp që mjerë fukaraj që mirë që është i tillë por duhet të bëjë dhe luftë për interesat e Trampit e JO TË POPULLIT AMERIKAN. ZGJOHUNI.
PërgjigjuPast terheq komën
PërgjigjuI erdhi fundi dhe Ramaduros dhe alindave te tij ne Shqiperi. GOD BLESS AMERICA
PërgjigjuGézuar Vitin e ri ! Lajm fantastik
PërgjigjuShpresojme kshu te kete dhe fatin Edi Rama dhe narkoshteti i tij nga Amerikanet se per ne sj popull ai ngel aty perjetet
PërgjigjuPershendetje para se te flasesh per Edi Ramen jane shume te tjer Para si Saliu me Shok si puna jote qe i mbrojn
KJO NUK MUND TE LEJOHET....TE SULMOSH NJE VEND TE PAVARUR KOT SE KOTI..SE KESHTU IA JEP TRURI TRUMPIT...KU ESHTE OKB KETU ..AI ME SA DUKET TRUMPI DO ZEVENDESIMIN E UDHEHEQJES NE VENEZUELA PER TE NDIKUAR NE BLERJEN E NAFTES....ESHTE SI PUNA E UJKUT ME DELEN ..QE PO PININ UJE NE NJE BURIM...UJKU I THA DELES PSE MA BEN PIS UJIN...KURSE DELJA I THA PO TI JE LART.SI TA BEKAM UNE PIS UJIN ..JO.MO.JO I THA UJKU POR DESHA TE TE HA....
PërgjigjuKjo eshte marveshja Puti - Tramp mer Ukrainen te leshoj venezuelen lufta e trete filloi tani e ka radhen Tajvani dhe me pas fillon Korea . Europa i ka duart e lidhura ska as fuqi as buxhet Eurozona do te kthehet si fole mijsh nga fluksi i emigranteve qe do te vijne nga lufta . Dikur shihnim filma qe shtete rrethoheshin me mure te larta besoj qe erdhi koha , cfare gatuhet do te haet
PërgjigjuKeshtu do e marri dhe ciftin ramaduru&berisha te shpetoj Shqiperia
PërgjigjuPo ky sikur donte te mbyllte luftera neper bote tani po i hap APO ESHTE OPERAZION SPECIAL PER SIGURINE BOTERORE ........
PërgjigjuJane ne kontakt me Putin gjate gjithe kohes! Gjithandej ne bote keto jane operacione speciale edhe stervitje,nuk quhen bombardime. Se mos ju shpetoje goja e i thoni bombardime se na i hodhi bombat ketej per stervitje ushtarake. Trump eshte thjesht nje shkerdhate e mafioz me pushtet qe nuk mund ta kontrolloje dot dhe vetem po e con boten per lesh.po i fut hundet gjithandej…pervec gruas ky pervers ja fut hunden se bijes,per gjeret nuk e rruan. Pedofilit cdogje i duket i/e vogel!