Zbardhet diskutimi mes përfaqësuesve të Ukrainës dhe Rusisë për shkëmbimin e të burgosurve

Zbardhet diskutimi mes përfaqësuesve të Ukrainës dhe Rusisë për shkëmbimin e të burgosurve

1669288662_r.PNG

Përfaqësuesit nga Rusia dhe Ukraina u takuan në Emiratet e Bashkuara Arabe javën e kaluar për të diskutuar mundësinë e një shkëmbimi të të burgosurve të luftës, sipas një raporti të Reuters.

Çdo shkëmbim do të lidhej me një rifillim të eksporteve ruse të amoniakut, të cilat shkojnë në Azi dhe Afrikë, nëpërmjet një tubacioni ukrainas, thanë për agjencinë e lajmeve tre burime me njohuri për takimin, raportojnë mediat e huaja.

Sipas burimeve, bisedimet u ndërmjetësuan nga shtetet arabe të Gjirit dhe nuk përfshinin Organizatën e Kombeve të Bashkuara, pavarësisht rolit  të OKB-së në eksportimin e produkteve bujqësore nga tre porte ukrainase të Detit të Zi.

Bisedimet synojnë të heqin pengesat e mbetura në nismën e zgjatur javën e kaluar dhe të lehtësojnë mungesat globale të ushqimit duke zhbllokuar eksportet ukrainase dhe ruse, shtuan ata. 

Përfaqësuesit rusë dhe ukrainas udhëtuan në kryeqytetin e Emirateve të Bashkuara Arabe Abu Dhabi më 17 nëntor, ku diskutuan lejimin e Rusisë të rifillojë eksportet e amoniakut në këmbim të një shkëmbimi të të burgosurve që do të lironte një numër të madh të burgosurish ukrainas dhe rusë, deklaruan burimet.


Lajmi kryesor:

Lufta në Ukrainë/ Bombardime në Kherson, ushtria ruse sulmon dhe një park lojërash! Kiev, 70% e shtëpive pa energji elektrike dhe pa ngrohje


S.S/Shqiptarja.com
  • Sondazhi i ditës:

    Debati për ish-agjentin e FBI, sipas jush kush ka të drejtë?



×

Lajmi i fundit

Prej 3 muajsh qëndron poshtë urës në Lezhë, ish i burgosuri politik thirri në gjithë mediat, institucionet mbeten ‘shurdhë’

Prej 3 muajsh qëndron poshtë urës në Lezhë, ish i burgosuri politik thirri në gjithë mediat, institucionet mbeten ‘shurdhë’