TIRANE-Zbardhen detaje të reja dhe dinamika e  konfliktit mbrëmë në bulevardin “Bajram Curri” te Pallati me Shigjeta, ku pati tre të shtëna me armë zjarri dhe një person mbeti i plagosur.  Dy persona janë shpallur në kërkim, ndërsa ai që i ndihmoi të largohen është arrestuar.

Në kërkim u shpallën; A. Gj. 22 vjeç dhe Xh. H. 23 vjeç, të dy banues në Tiranë. Dy të rinjtë, mbrëmë rreth orës 21:10, në bulevardin “Bajram Curri” pas një konflikti, që nga të dhënat e para dyshohet për një femër kanë tentuar të vrasin me armë zjarri 25-vjeçarin Andrea Birgo, i cili ka pësuar një gërvishtje të lehtë në kofshën e djathtë.

Autorët janë larguar nga vendi i ngjarjes me një mjet tip “Opel” në përdorim të 23 vjeçarit me inicialet M. Gj. i cili u arrestua me akuzën e përkrahjes së autorit të krimit. Në vendngjarje janë gjetur 3 gëzhoja të llojit pistoletë të cilat janë sekuestruar në cilësinë e provës materiale.

Gjithashtu u procedua në gjendje të lirë shtetasi 25-vjeçari me inicialet A. B. i dëmtuar , pasi gjatë kontrollit fizik të ushtruar iu gjet 0.8 gramë lëndë narkotike kanabis. Materialet iu referuan Prokurorisë së Rrethit Gjyqësorë Tiranë për veprat penale “Vrasje me dashje e mbetur në tentativë e kryer në bashkëpunim” dhe “Mbajtje pa leje e armëve luftarake dhe Municionit”, në ngarkim të shtetasve A. Gj., dhe Xh. H., parashkuar nga neni 76/22/25 të Kodit Penal, për veprën penale “ Përkrahje e autorit në krim” në ngarkim të shtetasit M. Gj., parashikuar nga neni 302 i Kodit Penal dhe për veprën penale “Prodhim dhe shitje e lëndës narkotike” në ngarkim të shtetasit A. B., parashikuar nga neni 283 i Kodit Penal.