Zbardhet plani i Qeverisë për
ristrukturimin e KESH,hua 218 mln €

Situata e rënduar financiare e KESH ka detyruar qeverinë t’i drejtohet BERZH për një kredi perj 218 milionë eurosh. Kredia do përdoret për ristrukturimin e kompanisë, pëmirësimin e menaxhimit të saj, por veccanërisht të borxhit gjigand prej rreth 250 milionë eurosh.

Këshilli i Ministrave ka dërguar për ratifikim në Kuvend një marrëveshje me BERZH për projektin: Plani i Ristrukturimit të KESH. 

Më datë 31 dhjetor 2015, gjendja e kredive afatshkurtra të Korporatës Energjitike Shqiptare rezulton 33.6 miliardë lekë, rreth 250 milionë euro. 218 milionë euro (apo 87% e totalit të kredive afatshkurtra) janë mbuluar me garanci qeveritare dhe 32 milionë euro pa garanci qeveritare. 

Sipas draftit, KESH së bashku me Ministrinë e Energjisë dhe Ministrinë e Financave kanë negociuar me BERZH-in për të siguruar një hua afatgjatë, deri në shumën 218 milionë euro.

Operacioni synon shlyerjen e borxhit të shtrenjtë afatshkurtër, ndaj bankave tregtare vendase, nëpërmjet një huaje 15 vjeccare shumë më të lirë nga institucionet financiare ndërkombëtare.

Aktualisht KESH-i është financuar me kredi afatshkurtëra me afat 1-vjeçar nga 8 banka tregtare.
 

Redaksia Online
(F.T/shqiptarja.com)

/Shqiptarja.com