Zbardhja e vrasjes së Liridona Murselit, reagon Vjosa Osmani: Humbja e jetëve të grave nga duart e burrave, njollë në ndërgjegjen tonë kolektive

Presidentja e Kosovës, Vjosa Osmani ka reaguar pas zbardhjes së vrasjes së Liridona Murselit, duke e cilësuar si një “krim monstruoz” që duhet të marrë dënimin e merituar.

Më tej, Osmani ka deklaruar se është nevojë urgjente që të forcohet zbatimi i ligjit dhe autorët e krimeve të tilla të llahtarshme të përballen me dënimet më të ashpra të parashikuara në ligj.

“Femicidi është dëshmi rrënqethëse që shpërfaq pabarazinë e rrënjosur thellë dhe dhunën me të cilën përballen gratë. Është një rrëfim tragjik i jetëve të shkurtuara brutalisht vetëm për shkak të gjinisë. Humbja e jetëve të grave nga duart e burrave është një njollë në ndërgjegjen tonë kolektive”, ka shkruar Osmani.

Lajmi kryesor:

Naim Murseli pranon se porositi vrasjen e bashkëshortes, Liridonës! '20 milionë € nga sigurimi në Suedi' dyshohet të jetë motivi i krimit

B.V/Shqiptarja.com

TAG:
• kosove
• Naim Murseli
• liridona murseli