Zbulohen raste pozitivë me virusin e ri të derrit në Kinë! Edhe ai përhapet si Covid... Ja simptomat e tij

Shkencëtarët para pak ditësh kanë izoluar në Kinë një lloj të ri të gripit të derrit, si ai që shkaktoi pandeminë e vitit 2009. Deri tani, sipas autoriteteve, disa fermerë janë identifikuar pozitivë, por transmetimi midis njerëzve nuk është i dokumentuar për momentin.

E ndërsa pandemia e Covid vazhdon të përhapet me rritme të larta në të gjithë botën, ekspertët kanë treguar disa nga simptomat e këtij virusi të ri të derrit.

Virusi i ri, i riemëruar G4EA H1N1 është një kombinim i patogjenëve me origjinë të ndryshme. Ai është I formuar nga bashkimi i një lloji virusi shpendësh që gjendet në Europë dhe Azi, me virusin e gripit H1N1 të vitit 2009, me virusin H1N1 të Amerikës së Veriut dhe disa viruse të tjerë dhe ka gjene të reja edhe të gripit të derrit

Hulumtimi I kryer nga një grup shkencëtarësh, bazohet në mbikëqyrjen e derrave të pranishëm në disa provinca kineze nga viti 2011 deri në vitin 2018. Gjatë tre viteve të fundit të studimit, studiuesit theksuan se virusi i ri është bërë mbizotërues midis derrave të vëzhguar. Por jo vetëm. Në të vërtetë, studiuesit grumbulluan gjithashtu edhe 338 mostra gjaku nga punëtorët e 15 fermave të ndryshme të derrave, ku zbuluan praninë e këtij virusi edhe te njerëzit, (te 35 nga 338 fermerë).

Për virologologun italian Giorgio Palù, president i shoqatës së virologjisë italiane dhe evropiane, ekziston frika se aim und të bëhet I transmetueshëm nga njëriu te njëriu dhe se rreziku i një pandemie të mundshme nuk duhet injoruar

Simptomat kryesore të këtij gripi të ri të derrit janë: ethe, kollë, dhimbje të fytit, rrjedhje sekrecionesh nga hunda dhe skuqje e syve. Gjithashtu në disa raste edhe diarre, dhimje barku dhe të vjella

Gripi I ri I derrit përhapet tek njerëzit përmes pikave, të prodhuara nga teshtima ose kolla. Mekanizmi është i njëjtë me transmetimin e gripit normal dhe me koronavirusin

Komplikimet gjithashtu nuk janë të përjashtuara, nga bronkiti, pneumonia dhe takikardi. Shumë rrallë, mund të ndodhin edhe miokarditi dhe encefaliti.

I.C./Shqiptarja.com
  • Sondazhi i ditës:

    A po e menaxhon siç duhet qeveria pandeminë e COVID-19?

Komento


×

Lajmi i fundit

John

Tiranë, motori përplas 8-vjeçarin me biçikletë te kryqëzimi i 21 Dhjetorit