POP 5

Lajmet më të lexuara të 5 minutave të fundit

Kronikë

Tiranë/ Djalit të piktorit Sali Shijaku i gjendet arsenal armësh në banesë, shpallet në kërkim! Në hetim i biri, shkonte me thika në shkollë

Djali i piktorit Sali Shijaku u shpall në kërkim nga policia pasi iu gjet arsenal armësh në banesë dhe shtynte djalin e mitur për përdorimin e tyre. 16 vjecari shkonte në shkollë me thika, ndërsa pas kontrollit të shtëpisë së babait Orges Shijaku u gjetën 6 armë zjarri dhe municione.

TIRANË-  Orges Shijaku mund të jetë artist shumë i njohur dhe biri i një piktori të madh si Sali Shijaku, por kjo nuk e ka penguar që djalit të tij të mitur t’i mësojë dhe këshillojë përdorimin e thikave dhe armëve të zjarrit. Në këto foto shfaqet i mituri, teksa pozon me armë, me gjasa i fotografuar nga i ati.

Por, 16-vjeçari merrte thika me vete edhe brenda shkollës. Agjentët e Komisariatit nr. 3 në kryeqytet po e hetojnë në gjendje të lirë, ndërsa babanë e tij e shpallën në kërkim. Fillimisht blutë morën informacion se një grup shokësh në shkollën “Lidhja e Prizrenit” hynin dhe dilnin me thika dhe organizuan një kontroll të befasishëm në operacionin “Around”, nga i cili rezultoi se vetëm djali i Orges Shijakut kishte me vete 2 të tilla.

Policia nuk e la me kaq, ndërsa në kontrollin e shtëpisë së babait të tij, në një dhomë që shërbente si studio dhe ambient për të fjetur, u gjet një arsenal i tërë me armë zjarri. Bëhet fjalë për 6 armë në total, pushkë, shotgun, armë sportive, armë gjysmë automatike, sasi municioni luftarak të kalibrave të ndryshëm, 2 mjete prerëse, si dhe 2 palë targa. I mituri u tha hetuesve se armët ishin të babait, në shtëpinë e të cilit shkonte shpesh pasi vetë jetonte me nënën, për shkak se çifti ishin të divorcuar.

Policia i gjeti 16-vjeçarit dhjetëra foto dhe video në celular, me të cilat kishte pozuar me armë zjarri brenda ambienteve të shtëpisë, ndërsa kanë dyshime të forta se babai i tij e shtynte në përdorimin e tyre. Orges Shijaku aktualisht gjendet në Zvicër dhe është shpallur në kërkim nga policia për armët e gjetura në shtëpi dhe përfshirjen e të birit për përdorimin e tyre.

Rendit zhvillimet sipas orarit:
Ora 10:45
Iu gjetën 6 armë në banesën në Tiranë, Orges Shijaku, djali i piktorit, Sali Shijaku

 

Orges Shijaku, të cilit iu gjet arsenal armësh është djali i piktorit të njohur Sali Shijaku, edhe vetë artist, skulptor, restaurator dhe piktor. Agjentët e Komisariatit nr. 3 morën informacion se një grup prej 4 apo 5 nxënësish në shkollën "Lidhja e Prizrenit" në Tiranë lëviznin me thika brenda shkollës dhe befasisht organizuan kontroll. Të vetmit që iu gjetën 2 thika ishte djali i mitur i Orges Shijakut.

Më pas, gjatë kontrolleve në shtëpi u gjetën armatimet e tjera, të cilat gjetur në një dhomë që shërbente edhe për fjetje edhe studio arti. Djali i mitur u ka thënë hetuesve se armët janë të babait dhe në celular i janë gjetur dhjetëra foto të cilat ishin shkrepur brenda shtëpisë, po me armë. Djali jetonte me nënën, pasi Orges Shijaku ishte divorcuar nga bashkëshortja, por shkonte shpesh në shtëpinë e babait. Shijaku për momentin rezulton jashtë kufijve të vendit, në Zvicër.

M.Q./Shqiptarja.com

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Abc: 27/02/2024 14:34

    Mire qe qe s‘paskan vrare ndonje turist se shtepia e Sali Shijakut eshte ne cdo guide turistike te Tiranes. Turp tu vije qe i nxijne faqen gjyshit qe ka qene piktor i mirenjohur.

    Përgjigju
  • Erdil: 27/02/2024 14:29

    O milet a keni tru apo jo????...kshu ka ardh koha...kur arrin djali I nje artisti me u marr me kete pune mendoni ku jemi

    Përgjigju
  • E verteta: 27/02/2024 14:19

    Turp per babain nese e ka bere nje gje te tille. Me sa duket nuk e dashka te birin se shpjegim tjeter ska. Ne ankohemi per zonat rurale.

    Përgjigju
  • Pelion: 27/02/2024 13:59

    Kështu është kur robit i hyn vetja në qef e fryhet me koqet e babait, jo më kot populli thotë nga ferra lind trëndafili e nga trëndafili lind ferra respekt për të madhin Sali Shijaku.

    Përgjigju
  • The traitors: 27/02/2024 10:37

    Kafshe mesjetare

    Përgjigju
  • O Zot: 27/02/2024 10:01

    Hajde baballar hajde, e pastaj kan faj femijet.Jo mor jo, sthote kot populli, cte mbjellesh do korresh.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça