POP 5

Lajmet më të lexuara të 5 minutave të fundit

Sport

Zbulohet data, Arena Kombëtare hap dyert për tifozët me një ndeshje për femrat

Ndeshja do të luhet në orën 20:00 dy javë para ndeshjes Shqipëri- Francë

Zbulohet data, Arena Kombëtare hap dyert për tifozët me një ndeshje për femrat

Arena Kombëtare

TIRANË- Arena Kombëtare do të hapë dyert për tifozët me një ndeshje simbolike më 3 nëntor. Për herë të parë, tapetin e gjelbër të stadiumit kombëtar shqiptar do e shkelin femrat, dhe më saktësisht ato të Vllaznisë dhe Apolonisë. 

Sipas FSHF ndeshja është zgjedhur pas hedhjes së shortit dhe do të luhet në mbrëmje, në orën 20:00 ku do të testohet edhe ndriçimi i stadiumit. Vllaznia- Apolonia, luhet dy javë para ndeshjes Shqipëri- Francë, e cila është planifikuar të jetë ndeshja e parë zyrtare e kombëtares por edhe e një niveli të lartë futbollistik. Kuqezinjtë shpresojnë që atë ditë debutimi ta kthejnë edhe në një festë të madhe në qoftë se sigurojnë kualifikimin për në EURO 2020.

Ndeshja me femrat do të shërbejë si një lloj testi për të parë të gjitha kushtet teknike të cilat ofron Arena Kombëtare.

Njoftim i Federatës Shqiptare të Futbollit

Historike, Stadiumi i Ri Kombëtar hap dyert me ndeshjen Vllaznia- Apoloni për femra

Stadiumi i Ri Kombëtar është në detajet e fundit përpara ceremonisë inauguruese, e cila do të zhvillohet në ndeshjen me Francën më datë 17 Nëntor. Punimet janë drejt fundit dhe gjithçka do jetë ne perfeksion për ndeshjen e fundit eliminatore për Euro 2020.

Federata Shqiptare e Futbollit ka përcaktuar ditën e sotme, gjatë hedhjes së shortit të kampionatit të futbollit të femrave, se ndeshja testuese e Stadiumi të Ri Kombëtar, e cila është e detyruar sipas rregullave të UEFA-s, do të jetë Vllaznia-Apolonia. Kjo ndeshje do të zhvillohet më datë 3 Nëntor, në mbrëmje. Kjo do të jetë dhe ndeshja e parë ku tifozët do të kenë mundësinë të shikojnë nga afër një ndeshje në investimin më të madh të realizuar nga Federata Shqiptare e Futbollit.

Kampionati i femrave do të fillojë këtë fundjavë dhe më poshtë janë ndeshjet e javës së parë:

Tirana AS – Bilisht Sport

Kinostudio- Juban Danja

Apollonia – Dajti

Maliqi- AAS

Teuta – Vllaznia

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Flori: 11/10/2019 02:10

    Stadiumin e bene italianet me piste,,,edi rama na e kthen pa piste,,se ku do sterviten atletet rama e di,,;robt ku ti kesh o ram shkerdhata....

    Përgjigju
    • Ku janë atletët?: 11/10/2019 09:02

      Ku i kemi atletët ne o i pa udhë? Që të bëhej me piste duheshin dhe 10 milion Euro të tjera. Nga do ti gjenim ato 10 milion euro, apo do nxirrnim tëtëmë tek Semafori. Sot per sot kemi futboll, ja bëmë stadiumin Futbollistëve, kur të kemi atletë rekordmenë, do tua bëjmë pistën dhe atyre. Jo po të hidhnim edhe 10 milion të tjera e pastaj ti linim të digjeshin pistat ne diellë, se atletikë dhe atletë nuk kemi!

  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

Kupa e Shqipërisë në fazën më emocionuese, trajneri i Vllaznisë: Luftojmë në dy fronte, Dinamo me shumë kualitet

Kupa e Shqipërisë në fazën më emocionuese, trajneri i Vllaznisë: Luftojmë në dy fronte, Dinamo me shumë kualitet

2 Prill, 16:27