Zbulohet lidhja e “Miss World
Albania” me modelin turk

Ai është me prejardhje turke, ndërsa jeton në Vjenë të Austrisë. Qëllimi i tij është që përveç punës në Austri të vazhdojë rrugën si model edhe në trojet shqiptare.

Salih Gurkan javën e kaluar për festat e fundvitit qëndroi në Shqipëri e Kosovë ku përveç asaj që realizoi disa projekte dhe intervista televizive, ai ka filluar një aferë dashurie me një shqiptare. Vajza e cila i ka vjedhur zemrën turkut është Xhensila Pere, bukuroshja e cila ka prezantuar Shqipërinë në “Miss World 2014”.

Të dy bashkë kanë qenë pjesë e një projekti që ka të bëj me modën, ndërsa pasi kanë mbaruar projektin janë parë në një intimitet në disa lokale të Tiranës gjë që vërteton se mes tyre ka më shumë se bashkëpunim. Salih Gurkan pritet që të jetë edhe pjesëmarës në spektaklin e bukurisë “Miss & Mister Albania”.






Shkrimi u botua në numrin e sotëm (9 Janar 2015) të gazetës "Shqiptarja.com", versioni print

Redaksia Online
(xh.k/shqiptarja.com)