POP 5

Lajmet më të lexuara të 5 minutave të fundit

Kultura

Zbulohet spiranca e rrallë antike në lumin Mat me lartësi 1.2 m, i përket shekulli V-VI! Specialisti: Po humbin objektet arkeologjike, çohen për skrap

Një spirancë e rrallë e një anijeje antike, që daton rreth 1400 vjet përpara është gjetur në thellësitë e ujërave të lumit Mat, në Skuraj të Kurbinit. Me lartësi 1.2 metër dhe një zinxhir prej 6.4 metër, Spiranca është pikasur nga një banor i zonës dhe i përket shek V-VI-të

Me lartësi 1.2 metër dhe një zinxhir prej 6.4 metër, një spirancë antike është zbuluar në shtratin e lumit Mat, në Skuraj të Kurbinit.

Spiranca e rrallë është pikasur nga një banor i zonës në thellësinë 4 metra poshtë shtratit të lumit.

Për specialistin e Trashëgimisë Kulturore në Lezhë, Ded Margjoni, spiranca bën pjesë tek objektet e rralla nënujore, me vlerë arkeologjike pasi mendohet dhe i përket shekullit të V-VI të erës sonë, në periudhën, kur lumi Mat ishte i lundrueshëm.

‘Është një spirancë e cila është përdoruar nga një anije me tonazh jo aq të madh, sa janë gjetur spiranca të tjera, por, e veçanta e kësaj është se ka dhe zinxhirin ku është hedhur me 6.5 metër e gjatë, çka dëshmon se lumi Mat ka qenë i lundrueshëm.’- u shpreh Ded Margjoni.

Specialisti Margjoni ngriti shqetësimin se shumë objekte arkeologjike janë duke humbur pasi pjesa më e madhe e tyre shiten për skrap.

‘Duhet t’i menaxhojmë marrjen e inerteve nga shtrati i lumit. Objektet kanë humbur për fat të keq.’- u shpreh Margjoni.

Spiranca më shumë se 1400 vjeçare, po ruhet nga banori që e ka gjetur, ndërsa pritet qe të verifikohet dhe nga ekspert të Ministrisë së Kulturës.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fshati: 25/10/2022 21:30

    Spirance hekuri 1600 vjeçare!?

    Përgjigju
    • Luli: 26/10/2022 08:41

      Spiranca e paraqitur ne foto dhe e gjetur ne skuraj eshte prodhim kinez i viteve 1960-1970. Ajo eshte nje spirance tipike per urat lundruese (pantona). Ne ate rajon ku eshte gjetur spiranca, batalioni i urave lundruese Tirane zhvillonte dy stervitje vjetore, nje ne vere dhe nje ne dimer. Kjo spirance eshte pjese e inventarit te pantoneve qe perdoreshin per ndertimin e urave lundruese.

  • Delta Lumore: 25/10/2022 17:27

    Aty gjendet dogana e Skenderbeut e permendur dhe në dokumenta e quajtur Sufardhaja që lidh Verdasen ne Curbino, Mattian dhe Mirdizian pra lidh skurajt me detinn pasi shek XI-XIV lumi mat nxirrrte ne det pra ka qënë deltë lumore e lundrueshme pasi ka patur me shume uje , dhe nga lumi Mat , Aleksander Skuraj formon dhe vloren , pra lidhja Mat me Pirust (E-Pirust) pra e pirusteve tregon lidhjen mes Skuraj - Mat - Lezhe po ashtu Epirus vjen nga fisi ilir I pirustëve që jane diku zona Mirdite !

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu