POP 5

Lajmet më të lexuara të 5 minutave të fundit

Kronikë

Zef Brozi rrëfen si Berisha e shkarkoi dhe e përndoqi 25 vite më parë me anë të SHIK: U vranë drejtësia dhe shqiptarët, u përgjak dhe u shkrumbua vendi

Kaloi një çerek shekulli (25 vite) nga nata e 21 shtatorit 1995 kur Parlamenti, me urdhër të Tiranit, dhunoi haptazi Kushtetutën e falsifikoi votat për të realizuar qëllimet e tij diktatoriale.

Zef Brozi rrëfen si Berisha e shkarkoi dhe e përndoqi 25 vite më parë me anë të SHIK: U vranë drejtësia dhe shqiptarët, u përgjak dhe u shkrumbua vendi

Sa shpejt kaloi një çerek shekulli (21 Shtator 1995-21 Shtator 2020!

Kaloi një çerek shekulli (25 vite) nga nata e 21 shtatorit 1995 kur Parlamenti, me urdhër të Tiranit, dhunoi haptazi Kushtetutën e falsifikoi votat për të realizuar qëllimet e tij diktatoriale.

I pafund në Ligësi, Djallëzi, Intrigë e Pabesi, Tirani, i cili kishte nën thundrat e tij e në shërbim të vet të gjitha institucionet, nuk mund ta toleronte faktin se kishte dështuar më parë për ta burgosur kryetarin e Gjykatës së Kasacionit (sot Gjykata e Lartë) dhe shtypur edhe atë tentative pavarësie të gjyqësorit që ai kishte dëshmuar me disa vendime e vepra.

Në errësirën e 21 Shtatorit 1995, Tirani urdhëroi SHIK-un famëkeq dhe policinë të rrethonin godinën e Kasacionit dhe të survejonin e ndiqnin kryetarin e kësaj Gjykatë që po punonte në zyrë.

Deputetët e PD-s i urdhëroi të votonin shpejtazi ultimatumin e tij për shkarkimin e kryetarit të Kasacionit nga çdo funksion.  Por Parlamenti nuk kishte kuorumin e nevojshëm për të filluar seancen e votimit sepse opozita kishte bojkotuar Parlamentin dhe disa deputetë të PD-s mungonin.

Tirani duket se i kishte marrë masat dhe kishte urdhëruar të votonin edhe për deputetë që mungonin. Dhe ashtu u bë. Provat e fallsifikimit të votave në Parlament janë të pakundërshtueshme: procesverbali i votimit dhe dëshmitë e disa deputetëve, përfshirë dhe disa nga ata që ndonëse nuk kishin qënë prezent në Parlament, vota e tyre rezultonte pro shkarkimit.

Vetëm me votat e falsifikuara u bë i mundur shkarkimi i rrufeshëm. Këto prova të falsifikimit janë bërë publike më 1995 e më pas në Shqipëri si edhe në disa institucione Perëndimore.

Unë, kryetari i Kasacionit, e mësova shkarkimin tim nga lajmet e orës 20:00 të darkës në televizionin shtetëror, kur akoma isha në zyrë edhe me përfaqësuesin e Ambasadës Amerikane.

Makina të SHIK-ut dhe policisë më ndoqën kur dola nga zyra dhe u nisa për tek spitali për të vizituar nënën time 88 vjeçare që ishte operuar, dhe kur shkova tek pallati ku banoja.

Kujdesi e dhëmbshuria për nënën time të shtrenjtë ishin mbi gjithçka edhe atë natë tinzare e të pazakontë.

Po e kujtoj atë natë të 21 Shtatorit 1995 jo për vete, por sepse e dua Shqipërinë dhe njerëzit e saj të mirë.

Unë me gjithë zemër uroj që asnjë pushtetar, politikan e ish- pushtetar të mos guxojë më të diktojë gjyqësorin e prokurorinë, të mos guxojë të vrasë, përgjakë, shkatërrojë  e shkrumbojë vendin, sikurse ka ndodhur deri më sot.

Uroj që koha e pandëshkueshmërisë së krimeve e korrupsionit të politikanëve dhe pushtetarëve e ish-pushtetarëve të marrë fund tani, dhe jo më vonë. Njerëz- jeni vigjilent!/TemA

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vjosa: 21/09/2020 19:38

    SALIU ESHTE QEN ME MORRA O ZEF,,,,,TI E KE FAJIN QE U FUTE TE PUNOJE ME QENIN ME MORRA...

    Përgjigju
  • Kojshia: 21/09/2020 12:01

    Sali krimineli cfar nuk bani,vrau ke deshi, shkatrroi shqiperine i beri te pasur femijet e vet,vodhi,cfar i deshi qefi beri , dhe sot eshte i lir,si mund ta shpjegojme kete ?Edhe don me u ba prap deputet, don me e ba lamsh parlamentin.E mallkofte zoti familiarisht ,por djallit nuk ka ca i ban zoti

    Përgjigju
  • www.youngtribune.com: 21/09/2020 11:20

    Kthehu ne Shqiperi e ver drejtesine qe u mundove e nuk munde dot ta vendosje atehere.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Fushë Arrëz/ Reshjet e dëborës vështirësojnë qarkullimin në Iballë, borëpastrueset në terren

Fushë Arrëz/ Reshjet e dëborës vështirësojnë qarkullimin në Iballë, borëpastrueset në terren

26 Dhjetor, 09:38