POP 5

Lajmet më të lexuara të 5 minutave të fundit

Kronikë

Zef Mazi dhe delegacioni i SPAK në Berlin, MEPJ jep detaje nga vizita 2 ditore: U mirëpritën zhvillimet pozitive para Konferencës së Parë Ndërqeveritare

Një delegacion i Strukturës së Posaçme Anti Korrupsion (SPAK) me në krye Zef Mazin, kryenegociatorin e Shqipërisë me Bashkimin Europian, ka bërë një vizitë dy ditore në Berlin, më 8-9 tetor.

Zef Mazi dhe delegacioni i SPAK në Berlin, MEPJ jep detaje nga vizita 2 ditore: U mirëpritën zhvillimet pozitive para Konferencës së Parë Ndërqeveritare

Foto gjate vizites ne Berlin

Një delegacion i Strukturës së Posaçme Anti Korrupsion (SPAK) me në krye Zef Mazin, kryenegociatorin e Shqipërisë me Bashkimin Europian, ka bërë një vizitë dy ditore në Berlin, më 8-9 tetor.

Sot ministria për Europën dhe Punët e Jashtme ka dhënë detaje nga kjo vizitë, ku bën me dije se Mazi dhe delegacioni gjatë kësaj vizite zhvilluan disa takime në Kancelarinë Federale dhe Ministrinë Federale të Punëve të Jashtme.

"Kryenegociatori Mazi dhe delegacioni shoqërues, i përbërë nga zëvendës Ministrja e Drejtësisë, Adea Pirdeni, zëvendës Ministri i Brendshëm, Besfort Lamallari dhe Shefi i SPAK, Arben Kraja, mbajti një seancë dëgjimore në Komisionin për Çështjet Evropiane në Bundestag. Seanca u drejtua nga Nënkryetari i Komisionit, Deputeti Markus Töns (SPD) dhe morën pjesë nga grupet parlamentare të SPD (deputetët Baradari / Petry), FDP (MP Hacker), Di Linke (MP Hunko), Die Grune (MP Sarrazin)", thuhet në njoftimin e ministrisë.

Kryenegociatori Mazi gjithashtu u takua me Raportuesin e CSU për Shqipërinë në Komisionin për Çështjet Evropiane, Katrin Staffler, dhe disa zyrtarë të tjerë të cilëve u ka dhënë informacion të gjerë mbi progresin që ka bërë vendi jonë drejt integrimit në BE. Theksi është vënë te Reforma në Drejtësi dhe lufta kundër korrupsionit. Zhvillimet pozitive në përmbushjen e përparësive para Konferencës së Parë Ndërqeveritare u mirëpritën nga zytarët, bën me dije MPEJ.

"Bashkëbiseduesve iu dha një informacion i gjerë dhe i azhurnuar mbi progresin e bërë nga Shqipëria në përmbushjen e përparësive të Këshillit para Konferencës së parë Ndërqeveritare, veçanërisht mbi reformën në drejtësi dhe luftën kundër korrupsionit dhe krimit të organizuar në Shqipëri. Siç konfirmoi raporti i Komisionit Evropian 2020 për Shqipërinë, Shqipëria është shumë afër përmbushjes së përparësive para IÇ-së së parë.

Bashkëbiseduesit gjermanë njohën dhe mirëpritën zhvillimet shumë pozitive në përmbushjen e përparësive para ICC-së së parë nga Shqipëria dhe konfirmuan mbështetjen gjermane, përfshirë Presidencën Gjermane të Këshillit të BE-së, për të bërë të mundur mbajtjen e ICC-së së parë me Shqipërinë nga 2020, nëse Shqipëria vazhdon të ofrojë për të përmbushur përparësitë e mbetura.

Bashkëbiseduesit ranë dakord të intensifikojnë kontaktet, përfshirë ato në nivelin parlamentar, për informacion të vazhdueshëm nga Shqipëria mbi përmbushjen e kërkesave të Këshillit", thekson ministria.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Më shumë se 40 të vrarë nga sulmet pakistaneze në Afganistan

Më shumë se 40 të vrarë nga sulmet pakistaneze në Afganistan

25 Dhjetor, 22:18