Presidenti ukrainas Volodymyr Zelensky ka akuzuar SpaceX se nuk po tregon të vërtetën lidhur me kufizimet në sistemin satelitor Starlink, duke deklaruar se vendimi për kufizimin e shpejtësisë së dronëve ukrainas duket politik dhe jo teknik.

Sipas Zelenskyt, kufizimet janë në fuqi prej pesë ditësh. Dronët ukrainas nuk mund të fluturojnë me shpejtësi mbi 161 km/orë, ndërsa lidhjet me shpejtësi më të lartë po ndërpriten. Si pasojë, sipas tij, është vështirësuar interceptimi i dronëve rusë Shahed, si dhe operacionet ukrainase kundër objektivave ushtarake në territoret e pushtuara nga Rusia.

Duke folur me gazetarët në Kiev, presidenti ukrainas tha se u ka kërkuar drejtuesve ushtarakë ta ngrenë çështjen me SpaceX, kompaninë e Elon Musk, si dhe me Pentagonin dhe Departamentin Amerikan të Shtetit.

Zelensky pretendon se SpaceX i ka komunikuar Kievit se nuk ka vendosur kufizime, por ai e kundërshton këtë deklaratë, duke thënë se problemet janë konstatuar përgjatë gjithë vijës së frontit. Sipas tij, ende nuk ka një shpjegim të qartë për arsyet e këtyre kufizimeve.


Lajmi kryesor:

Lufta Ukrainë-Rusi, Zelensky: SHBA-të na propozojnë anëtarësimin në NATO në këmbim të dorëzimit të territoreve ukrainase