Zelensky e ka akuzuar Kryqin e Kuq që nuk ka ndihmuar të burgosurit e luftës, Drejtuesja: Të na sigurohen autokolonat

Kryetarja e re e Komitetit Ndërkombëtar të Kryqit të Kuq, Mirjana Spoljaric, ka njoftuar qëllimin e saj për të shkuar në Moskë "kur të vijë koha" për të diskutuar me autoritetet ruse aksesin për të burgosurit e luftës.

“Qasja tek të burgosurit e luftës është një angazhim i vazhdueshëm". Ne flasim çdo ditë në nivele të ndryshme”, shtoi ajo, duke saktësuar se ka pasur kontakte personale me “homologët rusë”.

LEXO EDHE:
Sulm rus në Donetsk, 1 i vdekur dhe 5 të plagosur! Rusia rrëzon 75 dronë ukrainas

Kryqi i Kuq Ndërkombëtar është kritikuar në mënyrë të përsëritur nga presidenti ukrainas Volodymyr Zelensky, i cili e akuzon atë se nuk ka bërë mjaftueshëm për të pasur akses te ushtarët ukrainas të kapur nga forcat ruse.

 Lidhur me këtë, kreu i ri i organizatës theksoi se nuk janë ata që duhet të vendosin: “Duhet të marrim garanci dhe siguri adekuate se autokolonat tona nuk goditen duke u përpjekur të arrijnë në këto objekte”ku ndodhen të arrestuarit.”

Megjithatë, Spoljariç përsëriti vendosmërinë e saj  për të arritur "të gjithë të burgosurit, pavarësisht se ku ndodhen", duke iu referuar gjithashtu "të burgosurve civilë".

Lajmi kryesor:

Lufta/ Vijojnë bombardimet në prag të Krishtlindjeve, Rusia sulmon bazën ushtarake të Kherson! Kievi akuzon: Kemi zbuluar dhomën ku torturoheshin fëmijët

F.D/Shqiptarja.com

TAG:
• Mirjana Spoljaric
• Kryqi i Kuq
• lufta ne ukraine
• ukraine
• Rusi