Zelensky: I gatshëm për kompromis me Rusinë, por pa e tradhtuar Ukrainën! Kërcënimi bërthamor i Putin, blof! Perëndimi të na japë luftëtarë e sisteme kundërajrore

Presidenti i Ukrainës, Volodymyr Zelenski ka deklaruar se është gati për kompromis me Rusinë, por pa tradhtuar Ukrainën.

"Në çdo negociatë, qëllimi im është t'i jap fund luftës me Rusinë. Dhe gjithashtu jam gati të ndërmarr hapa të caktuar. Kompromiset mund të arrihen, por këto nuk duhet të përfaqësojnë një tradhti ndaj vendit tim. Edhe pala tjetër duhet të jetë e gatshme për lëvizje, ndaj quhen kompromise. Dhe vetëm kështu mund të dalim nga kjo situatë”, tha ai.

LEXO EDHE:
Zonja e Parë e Ukrainës dhe kreu i diplomacisë ukrainase vizitojnë Serbinë

Ndalur te sanksionet e Perëndimit, Zelensky tha se nëse do të ishin vërtet të ashpra, ofensiva do të kishte ndalur tashmë.

"Ata ende blejnë naftë dhe gaz rus. Kompanitë perëndimore vazhdojnë të operojnë në tregun rus duke u fshehur pas justifikimeve të ndryshme. Po, ka sanksione dhe ne jemi mirënjohës për këtë. Por ne jemi subjekt i një sulmi që të kujton më të keqen e Luftës së Dytë Botërore. Kjo është arsyeja pse sanksionet duhet të forcohen më tej”, u shpreh ai, në një intervistë për të përjavshmen gjermane Die Zeit.

Deklaratave të Perëndimit se nuk mund të vendosë zonën e ndalim-fluturimit mbi Ukrainë, Zelensky iu përgjigj duke kërkuar që t'i japin avionë luftarakë dhe sistemet e mbrojtjes ajrore "me të cilat ne mund të sigurojmë qiejt tanë".

Ndërsa për kërcënimin e njëe lufte bërthamore, Zelensky tha se është blof i Putin.

"Unë mendoj se kërcënimi i luftës bërthamore është një bllof. Një gjë është të jesh vrasës, tjetër të bësh vetëvrasje. Përdorimi i armëve bërthamore do të nënkuptonte fundin për të gjithë, jo vetëm për personin që i përdor ato. Përkundrazi, kërcënimi i Putinit tregon një dobësi. Përdorimi i armëve bërthamore është kërcënim vetëm kur asgjë tjetër nuk funksionon”, tha presidenti ukrainas, Volodymyr Zelensky.

Lajmi kryesor:

Bombardohet spitali në Mariupol, fëmijë nën rrënoja! Zelensky: Kompromis, por pa tradhtuar vendin! Pentagoni: Avionët polakë s'do dërgohen në Kiev, me rrezik

TAG:
• Sergei Lavrov
• Dmytro Kuleba
• rusia sulmon ukrainen