Zelensky kundër pranisë ruse në Lojërat Olimpike 2024

Presidenti ukrainas Volodymyr Zelensky tha se prania e atletëve rusë në Lojërat Olimpike 2024 në Paris do të ishte "një shenjë dhune dhe mosndëshkimi". Përfaqësuesit e shtetit “vrasës dhe terrorizues” nuk kanë vend në garat olimpike. Këtë e ka përsëritur presidenti ukrainas, Volodymyr Zelensky , në një postim në Twitter.

I lidhur me videokonferencë me ministrat e sportit të disa vendeve, të mbledhur në Londër me iniciativën e qeverisë britanike, Zelensky theksoi: "Ndërsa Rusia vret dhe terrorizon, përfaqësuesit e këtij shteti terrorist nuk duhet të kenë vend në sport dhe në garat olimpike. Thjesht prania e përfaqësuesve të shtetit terrorist është një manifestim i dhunës dhe mosndëshkimit. Kjo nuk mund të mbulohet nga një pretendim neutraliteti apo një flamur i bardhë," shtoi ai.

LEXO EDHE:
Lufta në Ukrainë/ WSJ: Sipas inteligjencës amerikane Putin nuk ka lidhje me vdekjen e Navalnyt! Tajani thërret ambasadorin rus në Romë

Ukraina është kundër mundësisë së pranisë së atletëve rusë dhe bjellorusë në Lojërat Olimpike Paris 2024, edhe nën një flamur neutral, i mbështetur nga IOC, dhe kërcënoi të bojkotonte Lojërat e ardhshme. Sipas Zelensky, Moska do të përdorë pjesëmarrjen e sportistëve rusë për qëllime "propagande lufte".

“Nëse sportet olimpike kishin të bënin me vrasjen dhe goditjen me raketa, atëherë e dini se cila kombëtare do të ishte në vendin e parë”, tha ai me shaka.

Lajmi kryesor:

Lufta/ Raketat ruse kalojnë në hapësirën ajrore moldave dhe rumune! Dorëhiqet kryeministrja në Moldavi

F.D/Shqiptarja.com

TAG:
• Zelensky