Zelensky nuk shkon 'duar bosh' në shtëpi, çfarë mori nga takimet me liderët e BE?

 

Presidenti Volodymior Zelensky ka përmbyllur misionin e tij të takimeve me liderët e Evropës në përpjekje për të marrë mbështetjen e tyre por edhe pajisje ushtarake përballë një vale të re agresioni rus teksa lufta ka hurë në ditën e 352 të saj. Vetë Zelensky është shprehur se ai nuk mund të shkojë në shtëpi me duart bosh, teksa Corriere Della Sera shkruan se ai mund të ketë siguruar armatime të reja dhe të fuqishme.

Presidenti Francez Emanuel Macron u shpreh se ai nuk përjashton mundësinë e dërgimi të avionëve luftarakë në Ukrainë, por pranon se Kievi ka nevojë për fuqi ushtarake të menjëhershme në javët në vijim. Presidenti i Ukrainës, Volodymyr Zelensky ka kërkuar prej kohësh nga aleatët e tij të dërgojnë avionë luftarakë dhe pretendoi se disa liderë evropianë ishin gati të furnizonin atë.

"Është thelbësore që aleatët të favorizojnë pajisjet më të dobishme" dhe "më të shpejtat", argumentoi Macron, duke përmendur armët e Cezarit dhe sistemin e mbrojtjes tokë-ajër me rreze të mesme Mamba të furnizuar nga Franca.

Në konferencën për shtyp Zelensky tha se: Evropa do të jetë me ne deri në fitoren tonë. E kam dëgjuar nga një numër liderësh evropianë gatishmërinë për të na dhënë armët dhe mbështetjen e nevojshme, duke përfshirë edhe avionët.”.

Pasi ka mbyllur takime në Evropë, Zelensky ka zbritur në Poloni ku është takuar me kreun e shtetit polak, Andrzej Duda. Ndërsa së fundi është sulmuar aeroportin Berdyansk në rajonin Zaporizhzhia të pushtuar nga Rusia dhe më shumë se 100 ushtarë rusë u vranë. 

Lajmi kryesor:

Lufta/ Raketat ruse kalojnë në hapësirën ajrore moldave dhe rumune! Dorëhiqet kryeministrja në Moldavi

SI.E./KT/Shqiptarja.com

TAG:
• Emmanuel Macron
• Volodymyr Zelensky
• rusia sulmon ukrainen
• lufta ne ukraine