POP 5

Lajmet më të lexuara të 5 minutave të fundit

Bota

Zelensky në Spanjë, takim me kryeministrin Sanchez! Pritet të nënshkruajnë marrëveshje bashkëpunimi dypalësh

Dy liderët pritet të nënshkruajnë një marrëveshje bashkëpunimi dypalësh që do të rrisë bashkëpunimin ekonomik e social.

Zelensky në Spanjë, takim me kryeministrin Sanchez! Pritet të nënshkruajnë marrëveshje bashkëpunimi dypalësh

Presidenti i Ukrainës Volodymyr Zelensky

Presidenti i Ukrainës Volodymyr Zelensky, do të bëjë vizitën e tij të parë ditën e sotme (27 maj) në Spanjë, ku pritet që  të takohet me kryeministrin Pedro Sanchez.

Dy liderët pritet të nënshkruajnë një marrëveshje bashkëpunimi dypalësh që do të rrisë bashkëpunimin ekonomik e social.

Sanchez do të presë presidentin e Ukrainës gjatë mesditës, pas së cilës ata do të mbajnë edhe një konferencë për shtyp, tha në një deklaratë zyra e kryeministrit spanjoll.

Kjo vizitë e Zelenskyt në Spanjë vjen në mes të luftimeve të ashpra në Ukrainën lindore, ndërsa forcat ruse vazhdojnë të sulmojnë përgjatë vijës së frontit. Presidenti ukrainas duhej që të vizitonte Spanjën në mes të muajit majit, por vizita u shty për shkak të ofensivës ruse.

Nga ana tjetër, Sanchez tha më herët se ai po përgatitej të nënshkruante një marrëveshje dypalëshe bashkëpunimi me Zelesnkyy.

"Ne kemi bërë përparim vendimtar në marrëdhëniet tona dypalëshe me qeverinë ukrainase. Aq sa mund t'ju njoftoj se, sa më shpejt që situata në front të lejojë, ne do të nënshkruajmë një marrëveshje me Ukrainën që do të rrisë bashkëpunimin ekonomik, social dhe institucional midis vendeve tona”, shtoi ai.  

Ashtu si vendet e tjera anëtare të Bashkimit Evropian, Spanja është angazhuar të mbështesë Ukrainën me ndihmë financiare dhe ushtarake që nga pushtimi rus në shkurt 2022.

 

 

S.B/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57