Zeman, i cili shpëtoi ekipin zviceran nga rënia në kategorinë e dytë sezonin e kaluar, është shprehur se Tramezzani ka shumë për të mësuar në lidhje me drejtimin e një skuadre futbolli.
“Paolon e njoh vetëm si lojtarë, ndërsa si trajner nuk ka treguar ndonjë aftësi. Ka qenë zëvendës trajneri i Shqipërisë dhe kjo është shumë pak për të gjykuar”, është shprehur për mediat italiane Zeman.
Ndërkohë kur është pyetur se çfarë gabimi nuk duhet të bëjë trajneri i ri i Luganos për të patur sukses, çeku i është përgjigjur shumë shkurt. “I mungon përvoja dhe duke pasur postin e zëvendës trajnerit, nuk e ka marrë atë te Shqipëria”.
Zeman shtoi gjithashtu se nëse Tramezzani dëshiron të ketë sukses me Luganon, atëherë duhet të fillojë të mësojë shpejt zanatin.