Zënkë për drogë? Pasi rrahu kuzhinierin Indrit Çela, 24 vjeçarit iu zbulua 'shtëpi barit' në Fushë Krujë! I zbulohen lekë e euro, në pranga dhe i ati

Ernest Luka, i arrestuar për rrahjen brutale të kuzhinierit Indrit Çela, nuk është një emër i padëgjuar për policinë. I riu nga fshati Derven, është edhe pronar i një shtëpie bari, ku në kuadër të operacionit të policisë të bërë sot, u zbulua se ai së bashku me babanë, Llesh Lukën kishin shndërruar një stallë në shtëpi bari.

Në këtë shtëpi u gjetën 316 vazo në të cilat ishin të kultivuar kanabis si edhe shuma të konsiderueshme parash, në lekë dhe euro (1.822.000 lekë dhe 37.000 euro) të dyshuara si të përfituara nga veprimtaria kriminale e kultivimit dhe trafikimit të lëndëve narkotike. A ka lidhje kjo ngjarje me rrahjen e Çelës, kjo nuk dihet ende, teksa hetimet vijojnë për të zbardhur të plotë motivet.

Lajmi kryesor:

2 vëllezërit rrahin brutalisht me leva hekuri dhe grushte kuzhinieri Indrit Çela, mik i Alfio Rrotanit! Video nga momenti kur nxirret zvarrë nga makina e goditet! Mister pse i dhunuari e paraqiti në polici si aksident

B.K./Shqiptarja.com

TAG:
• fushe kruje
• alfio rrotani
• Durres
• Indrit Cela
• kuzhiniere