2 vëllezërit rrahin brutalisht me leva hekuri dhe grushte kuzhinieri Indrit Çela, mik i Alfio Rrotanit! Video nga momenti kur nxirret zvarrë nga makina e goditet! Mister pse i dhunuari e paraqiti në polici si aksident

Ernest Luka, i arrestuar për rrahjen brutale të kuzhinierit Indrit Çela, nuk është një emër i padëgjuar për policinë. I riu nga fshati Derven, është edhe pronar i një shtëpie bari, ku në kuadër të operacionit të policisë të bërë sot, u zbulua se ai së bashku me babanë, Llesh Lukën kishin shndërruar një stallë në shtëpi bari.

Në këtë shtëpi u gjetën 316 vazo në të cilat ishin të kultivuar kanabis si edhe shuma të konsiderueshme parash, në lekë dhe euro (1.822.000 lekë dhe 37.000 euro) të dyshuara si të përfituara nga veprimtaria kriminale e kultivimit dhe trafikimit të lëndëve narkotike. A ka lidhje kjo ngjarje me rrahjen e Çelës, kjo nuk dihet ende, teksa hetimet vijojnë për të zbardhur të plotë motivet.

Kuzhinieri Indrit Çela është rrahur brutalisht mbrëmjen e së shtunës nga 2 vëllezër, i cili njëri është kapur dhe tjetri është shpallur në kërkim.

Motivet e kësaj ngjarjeje të rëndë nuk dihen ende, teksa vetë Çela ka deklaruar se nuk i kishte njohur autorët, si pasojë e errësirës. Autorët e identifikuar nga Policia janë Ernest Luka 24 vjeç i arrestuar, dhe vëllai tjetër Donald Luka, 27 vjeç i cili është shpallur në kërkim. Sipas uniformave blu, shkak janë bërë konfliktet e mëparshme për motive të dobëta, por nuk dihet se për çfarë konkretisht. Ndërkohë nga sa raportohet, kuzhinieri dhe vëllezërit janë konfliktuar edhe më herët.

Indrit Çela përvojën e tij në kuzhinë e ka nisur si pjatalarës, ku ka rrëfyer gjithashtu se në emigrim i është dashur të punojë shumë për të fituar jetesën. Nga pjatalarës ka kaluar si ndihmës kuzhinier dhe hap pas hapi ka arritur të bëhet shef kuzhine.

Çela u bë i njohur për publikun shqiptar me sfidën e gatimit në ‘Master Chef” ku fitoi dhe vendin e dytë, ndërsa i pari doli miku i tij Alfio Rrotani dhe më pas janë shfaqur së bashku në disa emisione gatimi. Ai jep njëkohësisht ai jep mësim në një nga institutet kulinare në vend.

Kuzhinieri i njohur Indrit Çela është rrahur barbarisht nga dy persona mbrëmjen e djeshme në zonën e quajtura Ura e Gjolës. Në video tregohet qartë momenti kur ai tërhiqet zvarrë dhe nxirret me dhunë nga makina dhe qëllohet me shufra hekuri dhe gjuhet me shkelma.