SHKUP- 0 minuta vonesa në kufi në 2023, një leje pune vitin e ardhshëm, kualifikim i përbashkët, marrëveshje për shëndetin dhe 3-fishim i kapaciteteve kur secili prej vendeve përballet me fatkeqësi natyrore. Dakordësia është arritur ditën e sotme nga liderët e Shqipërisë, Maqedonisë së Veriut dhe Serbisë në 'Ballkanin e Hapur'.
Pas firmosjes së marrëveshjeve është prezantuar emri i nismës 'Ballkani i Hapur' dhe nuk do të përdoret më termi që i është referuar deri më tani, Mini-Shengeni. Pasi hodhi firmën për këtë marrëveshje të re, kryeministri Edi Rama tha se kjo nismë është e hapur për të gjithë në emër të së ardhmes, e ndërsa në të njëjtën linjë ka qenë edhe kryeministri Zoran Zaev i cili tha se kjo marrëveshje sjell perspektiva të reja për Ballkani.
Treshja e liderëve u mblodhën në forumin ekonomik “Ballkani i Hapur” që u zhvillua sot në Shkup. Mesazhet ishin të qarta si ndaj Bashkimit Europian dhe ndaj kundërshtarëve të këtij bashkëpunimi të ngushtë rajonal: Ballkani nuk mund të presë më BE-në të shuajë sherret brenda vetës dhe nuk mund të jetojë më me sytë nga e shkuara.
“Më pak histori dhe më shumë ekonomi”, ishte thelbi i këtij Forumi.
3 marrëveshjet e firmosura
1. Marrëveshja për mobilizimin e të tre vendeve për sa u përket përballimit të katastrofave natyrore. Nëse një katastrofë natyrore godet një vend, do të mobilizohen të tre për të ndihmuar.
2. Marrëveshje mirëkuptimi për të lehtësuar importin dhe eksportin e mallrave. Kjo do të eliminojë barrierat dhe do të ndihmojë në rritjen e ekonomisë së vendeve.|
3. Marrëveshje për qarkullim e lirë në tregun e punës. Mundësimin e qasjes së lehtë në tregun e punës dhe marrjen e lejeve të qëndrimit
Në konferencën për median kryeministri Edi Rama, ka zgjedhur të tregojë se sa e rëndësishme është bashkëpunimi në rastet e fatkeqësive natyrore duke marrë sis shembull tërmetin në Shqipëri.
“Kur në nëntorin e 2019, ra tërmeti në Shqipëri ishin forcat e kërkim-shpëtimit të vendeve të rajonit, forcat e Maqedonisë së Veriut dhe Serbisë që na erdhën në ndihmë. Çfarë kuptuam ne nga kjo? Që bashkë jemi më të fortë. Dhe sot ne kemi firmosur një marrëveshje për të qenë bashkë, ku larg qoftë secili nga vendet përballet me një situatë të rëndë . Çfarë të keqe do të kishte për Kosovë, Malin e Zi dhe Bosnjën që të bashkoheshin në kEtë nismë. Kjo nismë hap rrugën që të bashkëpunojmë së bashku. Ku është e keqja, që helikopterët e vendeve tona të jenë të gjithë bashkë, ky është shpirti I kësaj nisme”, tha Rama.
Kryeministri Rama i pyetur për marrëveshjet që mund të arrihen me Kosovën, ai tha se kjo nismë është e hapur pa konspiracion dhe ne emër të së ardhmes, pasi e shkuara mban peng të ardhmen.
“Serbia dhe presidenti i Serbisë kanë bërë një milje shtesë që nisma të jetë gjithëpërfshirëse, të shkoj përtej Procesit të Berlinit, të pranojë lëvizjen e lirë duke bërë që të mos ketë asnjë qytetar të diskriminuar. Kjo nismë u thotë të gjithëve jeni të barabartë, përtej faktit se në nivelin shtetëror ka një çështje të hapur”, tha Rama
Në konferencën për shtyp kryeministri Zoran Zaev theksoi se marrëveshja e re sjell perspektiva të reja për Ballkani.
“Sot kemi hapur perspektiva te reja per vendet tona. Kemi vizionin e njëjtë dhe vlera të njëjta. Ballkani ka qenë i rrethuar me mure, por sot kemi ndërtuar ura. Ne sot kemi nënshkruar 2 marrëveshje dhe memorandume për bashkëpunim. Marrëveshja për mobilizimin e të tre vendeve për sa u përket përballimit të katastrofave natyrore. Nëse një katastrofë natyrore godet një vend, do të mobilizohen të tre për të ndihmuar. Marrëveshje mirëkuptimi për të lehtësuar importin dhe eksportin e mallrave. Kjo do të eliminojë barrierat dhe do të ndihmojë në rritjen e ekonomisë së vendeve. Marrëveshje për qarkullim e lirë në tregun e punës. Mundësimin e qasjes së lehtë në tregun e punës dhe marrjen e lejeve të qëndrimit".
Lajme të tjera
-
Vuçiç: Sa të jem unë president, nuk do ta njoh kurrë Kosovën
25 Dhjetor, 21:43 -
Kamberi: Nëse protestat 'shuhen', Vuçiç do e çojë Serbinë në diktaturë
25 Dhjetor, 20:46 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Ballkani nën stuhi të forta bore
25 Dhjetor, 12:44 -
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15
