Komisionin Hetimor për Inceneratorët do të vijojë punën e tij deri më 25 shkurt. Vendimi u mor sot në mbledhjen e Komisionit të Rregullores së Kuvendit dhe Mandateve, pas kërkesës së PD, pas një debati që kishte lindur mes PD dhe PS lidhur me llogaritjen e ditëve të pushimit si ditë pune apo jo.
Komisioni Hetimor për Inceneratorët do të rifillojë punën ditën e hënë, ndërkohë, kryetarja Jorida Tabaku ka publikuar edhe listën e personave që do të thirren për të dëshmuar, ku i pari është kryeministri Edi Rama. Në listën e gjatë të dëshmitarëve janë edhe zëvendëskryeminitri Arben Ahmetaj, Sekretari i Përgjithshëm Damian Gjiknuri, kreu i Bashkisë së Tiranës, Erion Veliaj, Mirel Mërtiri, Klodian Zoto, Stela Gungallja, etj..
Në reagimin e saj, Tabaku thekson ndër të tjera se PD fitoi një të drejtë të mohuar për të thirrur dëshmitar kryeministrin Edi Rama dhe 'bashkëpunëtorët e tij'.
Ndërkohë pas zgjatjeve të afateve të Komisionit Hetimor reagoi edhe ambasadorja amerikane Yuri Kim e cila përshëndeti vendimin dhe deklaroi se procesi do të monitorohet nga afër.
"Rikthehet komisioni hetimor për incineratorët. Jorida Tabaku: PD fitoi të drejtën e mohuar për të thirrur dëshmitar Edi Ramën dhe bashëpunëtorët e tij për vjedhjen 430 milion euro. Ditën e sotme, pas kërkesës së Partisë Demokratike, u mblodh Komisioni i Rregullores së Kuvendit dhe Mandateve. Në fund të këtij takimi ky Komision i dha të drejtën e mohuar opozitës nga anëtarët e mazhorancës socialiste në Komisionin Hetimor të Inceneratorëve. Komisioni i Rregullores miratoi zbatimin e rregullores së kuvendit duke dërguar deri në 25 shkurt ditën e mbylljes së këtij komisioni dhe duke i hapur rrugë planit të hetimit të propozuar nga Partia Demokratike në këtë komision. Për ditë me radhë kam zhvilluar takime intensive me çdo faktor për të vijuar punën e komisionit që padrejtësisht u ndërpre me votën kundër për planin e hetimit, duke kërkuar që të mbyllet veprimtaria dhe të pengohet thirrja e dëshmitarëve! Një plan hetimor që u votua kundër dhe bllokua politikisht nga socialistët në mbledhjen e fundit të Komisionit të Inceneratorëve. Afera e inceneratorëve ka qenë një prej çështjeve që ka dëshmuar se si shteti është kapur nga interesa korruptive dhe okulte. Por pesha e një shteti të kapur është ndjerë ditën kur nisi komisioni hetimor për Inceneratorët. Por, taktikat e tyre dështuan dhe qytetarët do të kenë mundësinë të shohin dhe dëgjojnë prova për këtë aferë. Sikundër do të kenë mundësinë të dëgjojnë dëshmitë e atyre që kanë firmosur për ngritjen e inceneratorëve të korrupsionit me vlerë mbi 430 mln euro. Ne, nuk dorëzohemi edhe as intimidohemi nga akuzat e pabaza të atyre që akuzat i kanë mburojë për veten e tyre dhe as prej atyre që korrupsionin e kanë shndërruar në arsyen e qeverisjes. E kemi të qartë që inceneratorët janë testi për politikën dhe drejtësinë e re! Partia Demokratike ka dëshmuar dhe po dëshmon përditë angazhimin maksimal në interesin e qytetarëve dhe jo të oligarkisë politiko-ekonomike që i mban peng shqiptarët në pellgun e tranzicionit! Nga e hëna rinis puna që u vonua prej avokatisë politike dhe do të thërriten dëshmitarët", shkruan Tabaku.
Kujtojmë se në mbledhjen e 19 janarit, maxhoranca votoi kundër planit të hetimit dhe për rrjedhojë edhe kundër shtyrjes së afatit të punës së Komisionit. Debati lidhej me 3 javët ndërmjet dy sesioneve parlamentare të cilat opozita kërkoi të mos llogariteshin në afatin e punës. Në mbledhjen e fundit të komisionit mazhoranca argumentoi se afati 3 mujor përfundonte më 28 janar duke llogaritur si ditë pune dhe 3 javët e pushimit. Me këtë argument anëtarët e PS-së në komision votuan kundër planit hetimor të paraqitur nga kryetarja e komisionit Jorida Tabaku.
E kontaktuar nga Report Tv, zv.kryetarja e Komisionit hetimor për incerenatorët, Ermonela Felaj tha se afatet nuk janë shtyrë, por ka pasur interpretim të rregullores, ku nuk janë llogaritur ditët e pushimit si ditë pune.
"Nuk është shtyre por është interpretuar rregullorja nga këshilli i rregullores dhe mandateve me kërkesë të PD. Lidhur me një nen të rregullores mbi llogaritjen e afateve, e për rrjedhojë sipas rillogaritjes afati tremujor mbaron me 25 shkur", tha Felaj
Lista e dëshmitarëve
Pas ambasadores Yuri Kim, edhe ambasadori i BE-së, Luigi Soreca ka përshëndetur vendimin për zgjatjen e afateve të punës së Komisionit hetimor për incerenatorët. Soreca shkruan se lufta ndaj korrupsionit dhe transparenca janë kyçe për integrimin.
"E rëndësishme që puna e Komisionit Hetimor të Parlamentit për inceneratorët të vazhdojë. Transparenca dhe llogaridhënia janë parimet kryesore të BE-së. Lufta kundër korrupsionit është një prioritet kryesor për BE dhe Shqipërinë në rrugën e saj integruese", shkruan Soreca.
Ambasadorja e në Tiranë, Yuri Kim ka mirëpritur zgjatjen e afatet për Komisionin Hetimor për Inceneratorët, duke i bërë thirrje të gjitha autoriteteve dhe institucioneve përkatëse të shqyrtojnë dhe ndërmarrin veprimet e duhura.
Ajo përmes një postimi në rrjetin e saj social Twitter, i ka vënë serish theksin prioriteti të SHBA në Shqipëri, që është forcimi i institucioneve demokratike dhe lufta ndaj korrupsion, ndërsa shtoi se çelësi i demokracisë është përgjegjësia.
“Përgjegjësia është çelësi i demokracie. Forcimi i institucioneve demokratike dhe lufta ndaj korrupsionit janë prioritetet e SHBA në Shqipëri. Ne mirëpresim vijimin e komisionit parlamentar për inceneratorët Ne u bëjmë thirrje të gjitha autoriteteve dhe institucioneve përkatëse të shqyrtojnë dhe ndërmarrin veprimet e duhura. Ne do ta ndjekim këtë nga afër”, shkruan Kim.
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Jorida Tabaku takohet me delegacionin nga parlamenti Italian: Procesi i Integrimit s'do të thotë që do mbyllim sytë nga problemet reale
26 Nëntor, 16:30 -
Abuzime me fondet e BE/ Drejtoresha e SASPAC: Po bëjmë audit, partnerët do njihen me analizën! PS: Flet drejtësia! PD: E turpshme
26 Nëntor, 16:30
-
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Tabaku: Ka mbërritur pozicioni negociues për grup-kapitullin 6, të hënën Komisioni i Integrimit mbledhje me dyer të mbyllura!
26 Nëntor, 11:23 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07
