Zgjatja e afatit për Ligjin e Investimeve Strategjike, Tabaku: Vetëm zonat e mbrojtura kishin mbetur pa u zaptuar

Deputetja Jorida Tabaku ka reaguar në lidhje për zgjatjen e afatit të Ligjit për Investimet Strategjike nga Kuvendi ditën e sotme. Tabaku shprehet se kemi të bëjmë me një ligj klientelist dhe abuziv, që ka sjellë dëmin më të madh në ekonominë e vendit.

'Për herë të pestë parlamenti I Shqipërisë shtyu për herë të pestë Ligjin e Investimeve Strategjike, që të gjithë e njohin, e kanë pranuar që është ligji më korruptiv i 30 viteve të fundit. Ligji nga 9 vite do të zbatohet për 10 vite. Kush janë rezultatet e këtij ligji? Në 44 vendime të KIS 75% e tyre janë në fushën e turizmit. Kur pyeta pak ditë më parë se çfarë ka mbetur pa u dhënë në investimet strategjike, sigurisht që përgjigja ishte e qartë; kanë mbetur pa u zaptuar Zonat e Mbrojtura.

Askush deri më sot nuk ka bërë një analizë; sa investime ka sjellë Ligji Investimeve Strategjike? Sa prej tyre janë të huaja? Sa kanë punësuar? Kush është rezultati i zbatimit të ligjit që nga 9 vite e bëjmë 10? Përgjigja është e qartë; Ligji përpos se klientelist! Abuziv! Përpos se ligj i korruptuar! Është ligj që ka sjellë dëmin më të madh në ekonominë e vendit. duke mbyllur tregun, duke ndryshuar modelin ekonomik.

LEXO EDHE:
A u liruan të dënuarit për korrupsion? Përplasja në Kuvend/ Bardhi nxjerr përgjigjen e Dumanit! Manja: Asnjë zyrtar i lartë! Alibeaj: Ishin 100, minuat punën e Prokurorisë

Por a është e ardhmja që duam të ndërtojmë ne për Shqipërinë? A është ligji sistemi i modelit ekonomik që duam të ndërtojmë? A është ky ligj reflektim i garës dhe meritokracisë në ekonomi? Një përgjigje që dihet që është jo!', ka qenë reagimi i deputetes Tabaku në rrjete sociale.

 

Lajmi kryesor:

Kuvend/ Zgjatet afati për investimet strategjike, Rithemelimi me zhurmues në sallë: Votimi pa kuorum! Spiropali: Ejani të flasim, mjaft e mbajtët peng

G.K/Shqiptarja.com

TAG:
• Rithemelimi kaos ne kuvend
• investimet strategjike
• kuvend