Zgjedhjet e 14 majit, premtimi i Metës: Do shumëfishojmë fondin e strehimit social për familjet e reja, shtresat në nevojë e të moshuarit

Kryetari i Partisë së Lirisë, Ilir Meta duket se e ka nisur fushatën për zgjedhjet e 14 majit dhe ajo çfarë premton është shumëfishimi i fondit për strhimin social.

Meta synon që t’i japë vëmendje të dedikuar familjeve të reja, nënave kryefamiljare, personave me aftësi të kufizuara, të moshuarve, të rinjve dhe studentëve.

“Fondi i strehimit social i Bashkisë së Tiranës është vetëm 0.7 milionë euro ose sa 10 apartamente në periferi të kryeqytetit.

LEXO EDHE:
SPAK heton '21 janarin'/ Meta sulmon Dumanin e akuzon Bashën: Ka përgjegjësi direkte për vrasjet! Ish ministri i Brendshëm i kujton bllokun

Në 6 vitet e fundit, 7.1 milionë metër katrorë janë ndërtuar në Tiranë, por bashkia nuk ka bërë asgjë për çështjen e strehimit social.

Sepse prioriteti i tyre ka qenë pastrimi i parave dhe jo strehimi social.

Ne do ta shumëfishojmë këtë fond për t’i dhënë zgjidhje problemit të strehimit për familjet e reja, për nënat kryefamiljare, për personat me aftësi të kufizuara, për shtresat në nevojë, për të moshuarit, të rinjtë dhe studentët”, shkroi Meta në Facebook.

TAG:
• zgjedhjet vendore 2023
• Ilir Meta