Në politikë, në rast se nuk kap “trenin” dhe nuk gjen stacionin e duhur, padyshim ke humbur gjithçka. Ke humbur sensin, fillin e drejtimit, ke humbur “nuhatjen” dhe kuptueshmërinë e ngjarjeve dhe gjërave që ndodhin, ke humbur stilin e diskutimeve dhe virtytin e tolerancës, ke humbur shansin të mbetesh faktor dhe aktor i tryezave, ku vlerësohesh ose ç’vlerësohesh. Në Shqipëri, ka 30 vjet që klasa politike nxiton, lodhet, ndalon, shikon dhe kthehet sërish atje ku ishte. Shumica e partive politike, të krijuara nga nevoja apo risia e ndryshimit të sistemit, sot ekzistojnë si të tilla, thjesht nga rastësia.
Mungesa e reformimit të tyre rradikal, implementimi dhe përshtatja me situatat e ndryshme politike në kuadër të angazhimeve europianiste, ka stopuar hapur gjithë procesin e partneritetit me partitë simotra në Europë. Edhe pse shumë nga partitë politike në Shqipëri, janë anëtare të forumeve dhe bashkësive europiane, edhe pse marrin pjesë aktive në kongreset e tyre, kanë mbetur njëanshmërisht, pjesë e “vogëlsirave” ballkanike.
E ndërsa Europa, dhe një pjesë e Ballkanit e kanë zgjidhur tanimë politikisht problemin e zgjedhjeve, duket se klasa politike në Tiranë, kryesisht partitë që mbahen peng nga e shkuara komuniste, mundohen të krijojnë tensione dhe situata me ngarkesë të theksuara negativiteti. Mbajtja peng me mënyra të vjetra e drejtimit të partisë, mungesa e theksuar e lirive dhe afrimit me proceset integruese në gjirin e partive europiane, ka sjellë shpesh përplasje të kota, duke dashur që në çdo rast, përgjatë 30 viteve, ndërhyrjen e faktorit ndërkombëtar.
Ka qenë pikërisht faktori ndërkombëtar, kanë qenë pikërisht ambasadorët e huaj, ata që kanë mbledhur me komandë, politikanët e hazdisur, ata që me frymën e vjetër, kanë guxuar të jetojnë gjatë si kryetarë të përjetshëm në partitë e tyre, për ti bindur ç’duhet të bëjnë.
Duhet thënë se, marrëveshja e 5 Qershorit, ishte dhe mbetet një arritje e madhe e cila padyshim kishte angazhimin maksimal edhe të faktorit ndërkombëtar. Të mësuar me takime dhe mbledhje bodrumesh, apo me “rreshtore” gjithmonë kur u është dashur ta bëjnë para ambasadorëve, ndoshta kjo do të jetë hera e fundit, për kryetarët pazaritë të partive të tranzicionit. Kryeministri Rama e deklaroi qartë se “marrëveshje me prani ambasadorësh dhe në ambasada, nuk do të ketë më”.
Kjo vlen shumë, por më tepër u vlen politikanëve tekanjozë, të paskrupullt, hileqarë, dhe të konsumuar, që praninë e ambasadorëve, e shohin si të vetmin “shpëtim” për karrierën e tyre të përkohshme. Edhe së fundmi, politikanët tekanjozë po kërkojnë ti mbajnë të trazuara “ujërat”, duke kërkuar njëherë lista të hapura njëherë lista të mbyllura, njëherë futjen në zgjedhje me koalicione, dhe njëherë prishjen e tyre.
Duke dashur të prishin marrëveshjen e 5 Qershorit, apo duke paralajmëruar “trazira dhe kaos” në gjithë vendin, ish-opozita e vjetëruar e tranzicionit, po tenton të mbajë peng të ardhmen e vendit, Parlamentin e Shqipërisë, procesin e integrimit dhe reformave europianizuese. Zgjedhjet e 2021, natyrisht do të nxjerrin jashtë skenës politike, kryetarët parazitë dhe partitë e tyre tranzitore, për ti hapur rrugën një epoke të re civilizuese, dhe marshimit të pandalshëm të Shqipërisë drejt BE./ Tema
Komente
Lajme të tjera
-
Padia e dytë në Kushtetuese për listat e mbyllura, Shabani: Rama e Berisha bashkë për të kthyer sistemin e 2008-s
16 Shtator, 11:37 -
‘Zgjedhorja’/ Ku kanë ngecur palët politike? Sfidë depolitizimi i administratës zgjedhore! Financimi i partive e shitblerja e votave kërkojnë adresim
13 Gusht, 22:12
-
Begaj dekreton ndryshimet në Kodin Zgjedhor: Fryt i marrëveshjes pozitë-opozitë, vota e diasporës historike! Lista e mbyllur? Nuk është tagri im
30 Korrik, 14:12 -
Mero Baze: Përse Berisha dhe Rama nuk kanë të njëjtin hall me sistemin
28 Korrik, 08:39
-
Spartak Ngjela: Turp historik! Nuk lejojnë votim të lirë, e nuk dinë të bëjnë asgjë tjetër veçse të rrinë në pushtet për privilegje
28 Korrik, 07:55
-
Politika s’ka moral, por kjo jona s’ka edhe logjikë
27 Korrik, 22:36
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
A jeni dakord me 2/3 e listës së deputetëve të hapur dhe 1/3 e mbyllur? Ja si u votua në sondazhin e Shqiptarja.com
27 Korrik, 21:55 -
Mero Baze: Intervista e Ahmetajt si zhurmuese e pazarit për Kodin e zgjedhjeve
27 Korrik, 21:09
-
Ndryshimet në Kodin Zgjedhor, Begaj refuzon futjen menjëherë në fuqi: Ligji do kalojë procedurat normale të dekretimit
27 Korrik, 20:28 -
Preç Zogaj: Reforma e bunkerizmit të kastës plurale solidare përballë drejtësisë dhe SHBA
27 Korrik, 20:07
-
Alibeaj kërkesë Presidentit Begaj: Mos dekreto ndryshimet në Kodin Zgjedhor, me listën e mbyllur do zgjidhen deputetë të privilegjuarit e kryetarëve
27 Korrik, 17:45
Asnje lloj zgjedhje nuk e shpeton vendin e mutit!Aty sdi ku tja fillosh!
PërgjigjuZgjedhjet e 2021 do mbushin Lanen me jashtqitje sa di bllokohet ura je pallati me shigjeta
Përgjigju