Në studion e Repolitix me gazetarin Denis Minga kryetari i Bindjes Demokratike Astrit Patozi deklaroi se zgjedhjet nuk mund të shtyhen vetëm se do një parti politike por shprehu gatishmërinë e partisë së tij për të marrë pjesë në zgjedhje, kurdo që do mbahen. Ai tha se nuk mund të shkohet në përplasje civile vetëm për karriget e dy-tre personave.
Ai gjithashtu deklaroi se vendet në komisionet e PD dhe LSI duhet t'i kalojnë Bindjes Demokratike që vendet në KQZ pozitë-opozitë të jenë në balancë.
Patozi foli edhe për strategjinë që do ndjekë partia e tij për zgjedhjet lokale të 30 qershorit ndërsa deklaroi se Bindja Demokratike do takohet me zgjedhësit dhe nuk do t'i ftojë në mitingje për t'i poshtëruar ashtu siç bën Rilindja.
Kreu i Bindjes Demokratike tha në Report Tv me gazetarin Denis Minga se fushata e BD nuk do jetë sipas modelit të vjetër me mitingje por përmes bashkëbisedimit me qytetarët. Ai i quajti mitingjet të shëmtuar dhe poshtërues për elektoratin
"Ne nuk e pranojmë modelin e shëmtuar të Rilindjes. Ne do të shpëtojmë sa më shpejt prej tij. Ne do jemi kundërshtarë të hapur të kandidatëve socialistë. Qasja jonë për politikën është e ndryshme. Edhe në fushatë ne kemi shpallur që ne i refuzojnë mitingjet. Ne sot mund të mos jemi një parti e madhe por do jemi nesër. Do jemi nesër dhe prapë nuk do bëjmë mitingje. Ne do i flasim njerëzve, nuk do i ftojmë të mblidhen rrotull nesh, pasi kjo është poshtëruese të mbledhësh njerëz në një vend, gjysmën t'i kesh sjellë me autobusë. Kështu do funksionojë e gjithë fushata jonë", tha Patozi.
Ai gjithashtu tha se KQZ duhet t'i delegojë Bindjes Demokratike komisionerët e PD dhe LSI.
"KQZ duhet të balancojë komisionet pozitë-opozitë. Nuk është asnjëherë vonë. Komisionerët e PD dhe LSI duhet të zëvënësohen me komisionerët tanë. Blerja e votës ka ardhur duke u përkeqësuar në Shqipëri", u shpreh Patozi.
Astrit Patozi tha në Repolitix se kanidatët që u tërhoqën nga zgjedhjet që para nisjes së fushatës janë kërcënuar nga dy forcat politike për shkak se i tremben garës me ta.
"Kandidatët tanë u tërhoqën sepse iu bë presion. Në Berat dhe në Skrapar iu bë presion nga kandidatët lokal atje. Rastet e tjera i përkasin ish-forcës time politike. Ky është rasti për të thënë se Bindja Demokratike e tronditi politikën në Shqipëri. Qëndrimin tim e kam mbajtur. Ne nuk tërhiqemi nga qëllimi ynë për të marrë një rezultat të mirë në këto zgjedhje", tha Patozi.
Marrëveshjen e 17 Majit të 2017, Astrit Patozi e quajti pazar që prodhoi krizën ku ndodhet vendi sot.
"Unë besoj se kjo i pengon negociatat. Konflikti i palëve në Shqipëri nuk do i mundësonte hapjen e negociatave. Në krizën që kemi, kemi një hall më të madh se negociatat. Daljen nga kriza e shikoj vetëm me një marrëveshje politike ku të gjitha forcat politike të bindë dakord për ndryshimin e sistemit politik. Kjo duhet të fillojë me zgjedhjet. Të dy palët janë përgjegjëse për gjendje. Marrëveshja e dy viteve më parë ishte e gabuar se ishte pazar. Para dy vitesh këta të dy premtuan një Shqipëri të lulëzuar. Ndodhi që Shqipëria shkoi keq e më keq. Kjo solli krizë sepse me kundërshtarin nuk duhet të bësh pazar. Nuk ke nevojë që kundërshtarit t'i japësh në tavolinë atë që kërkon', tha Patozi.
Vendimin e opozitës për të djegur mandatet, kreu i Bindjes Demokratike, Astrit Patozi e quajti të papranueshm për vlerat e perëndimit.
"Vendimi i opozitës është i papranushem për vlerat e perëndimit. Djegia e mandateve është një gjë që nuk ka ndodhur më parë. Të parët që e vuajnë janë shqiptarët. Kjo është një gjë që nuk duhet të kishte ndodhur", tha Patozi.
Astrit Patozi tha në Repolitix se Shqipëria nuk mund të shkojë në përplasje civile për karriget e 2- personave.
"Unë besoj se këto 30 vjet kanë qenë të mjaftueshme që të mos shkojmë drejt një përplasje civile për karriget e dy -tre personave. Prandaj mendoj se do kapërcehet. Ne kemi hyrë për të fituar kudo ku marrim pjesë. Përndryshe nuk do kandidonim. ne mendojmë se Rilindja është në ditë të hallit. Aty ku ne kemi nxjerrë kandidat, mendoj se njerëzit do i përdorin kandidatët tanë si një moment shfryrjeje", tha Patozi.
Kreu i Bindjes Demokratike deklaroi në Repolitix se zgjedhjet nuk mund të shtyhen se do vëtm njëra palë.
"Zgjedhjet shtyhen kur duan të gjitha palët. Presidenti nuk mund t'i shtyjë zgjedhjet vetëm se do njëra palë. Ne jemi të përgatitur të futemi në zgjedhje dhe do futemi në këtë proces kurdo që të mbahen ato. Ne kemi dashur që në këtë proces të jenë të gjithë aktorët", tha Patozi.
Kreu i Bindjes Demokratike foli në Repolitix për qëndrimin e opozitës për Gjykatën Kushtetuese. Ai tha se mungesa e këtij institucioni nuk i jep të drejtën të bojkotojë procesin politik.
"Protestat janë të pamjaftueshme për t'i dhënë një goditje qeverisë. Unë mendoj se në kushtet e mungesës së Gjykatës Kushtetuese, nuk të jep të drejtën të bojkotosh të gjithë procesin politik. Ne do ta pranojmë se ai është një realitet që nuk kthehet më mbrapa. Kam dëgjuar se në kushtet që mungon ky institucion presidenti mund të bëjë çfarë të dojë, por është e kundërta. Edhe kur ishte ajo gjykatë thuhet se ishte kapur nga qeveria. Ka të bëjë me të drejtat e njeriut dhe mungesa e saj nuk është për t'u neglizhuar por ky nuk mund të përdoret si argument për t'iu sulur institucioneve", tha Patozi.
Komente
Lajme të tjera
-
Nesër sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut
24 Dhjetor, 13:12 -
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Diaspora nuk do paguajë për votën, burime për Report Tv: Qeveria fond rreth 5 mln euro KQZ-së për postën
19 Dhjetor, 12:26 -
A do votojë diaspora? Krashi në 'Repolitix': Patjetër që do bëhet! Pano Soko: PD-PS nuk kanë vullnetin ta zbatojnë! Daci: Përfiton vetëm mazhoranca
18 Dhjetor, 22:18 -
Mitsotakis flet për 'Vetëvendosje' të minoritetit grek, Alban Daci: Nuk është shaka! Kanë doktrinë Vorio-Epirin! Gazetarja Esiona Konomi: Provokim politik për konsum në Athinë
18 Dhjetor, 21:32 -
Zgjedhjet parlamentare 2025, ambasadori i OSBE takim me Grupin Ndërkombëtar të Punës! Në fokus vota e diasporës
18 Dhjetor, 15:42 -
SHBA edhe një herë 'Jo' Berishës/ Valteri: I vdekur, i pakallur! Tafani: Mesazhi i qartë, 'Mos shkoni tek PD-ja'! Kulluri: Amerikanët kanë problem këtu korrupsionin dhe krimin
17 Dhjetor, 21:41 -
Celibashi takohet me VanHorn, e informon për përpjekjet e KQZ para zgjedhjeve parlamentare! E Ngarkuara me Punë shpreh mbështetjen e SHBA për zgjedhje të drejta
13 Dhjetor, 13:37 -
Kthupi në ‘Repolitix’: Berisha e Rama kërkojnë të minojnë reformën në drejtësi! Çaça: SPAK në rrezik nga politika
11 Dhjetor, 22:10 -
Berisha mbetet non grata, Nesturi në 'Repolitix': Goditje e fortë nga Britania, mbështetje edhe për SPAK! Çaça: U regjistrua si kryetar i PD, mori fund teatri
11 Dhjetor, 21:18 -
Berishën e nxorën jashtë nga mbledhja, ish-studenti: Na thanë shkoni te Ramiz Alia! PD e Saliut sulmoi studentët e dhjetorit
11 Dhjetor, 11:51 -
Zgjedhjet 2025, ambasadori i OSBE: Thelbësore, liria e zgjedhjes pa frikë! Hetoni presionet dhe shkeljet e fshehtësisë së votës! Celibashi: Partitë të pranojnë problemin
11 Dhjetor, 11:00
Po' turp a nuk ke behu Pak politikan me i paster dhe me i besueshem,mendohu njeher ku ishe dhe ku te Miren qe u bere deputet
Përgjigju