Ora 18:00 ka shënuar afatin përfundimtar të regjistrimit të koalicioneve parazgjedhore në KQZ-në Kosovë për zgjedhjet e parakohshme më 14 shkurt dhe duket se të gjitha partitë e mëdha do të garojnë të vetme dhe nuk do të ketë koalicione mes tyre. Të vetmet që do të jenë në koalicion janë pakicat serbe që kanë krijuar dy të tilla.
Konkretisht partia e Behgjet Pacollit, AKR-ja do të shkojë në koalicion me LDK-në, por si pjesë e përbashkët e listës së LDK-së dhe jo si koalicion parazgjedhor. Ndërsa koalicioni i shumëfolur PDK-NISMA duket se nuk do të ndodh, pavarësisht entuziazmit të shprehur më herët në media nga kreu i Nismës Fatmir Limaj. Nuk dihen ende se kush janë arsyet e mosrealizimit të këtij koalicioni.
As Vetëvendosja nuk ka aplikuar për koalicion parazgjedhor me Vjosa Osmanin dhe as AAK-ja nuk ka paraqitur kërkesë të tillë.
Zëdhënësi i KQZ-së Valmir Elezi, ka bërë të ditur se brenda afatit janë deklaruar vetëm dy koalicione nga pakicat serbe- koalicioni Vakat dhe Zajedno.
Koalicioni VAKAT përbëhet nga Demokratska Stranka Boshnjaka (DSB) dhe Demokratska Stranka Vatan (DSV), ndërsa Koalicioni ZAJEDNO nga Pokret za Gora (PG) dhe Gragjanska Inicijativa Gore (GIG).
Bekim Muja, anëtari i PDK-së ka dhënë dorëheqje nga kjo parti e shkak po del të jetë mos arritja e koalicionit me partinë e Fatmir Limajt.
Muja përmes një shkrimi në Facebook është shprehur i zhgënjyer me vendimin e kryesisë së PDK-së.
“I zhgënjyer thellë me vendimin e kryesisë qendrore të PDK, për mos shkuarjen në koalicion me Nismën Socialdemokrate dhe për mos krijimin e një force të përbashkët e cila do i mbronte vlerat sublime të këtij vendi siç është lufta e UÇK”, ka shkruar Muja në llogarinë e tij në Facebook.
Kryetari i Nismës Socialdemokrate, Fatmir Limaj, ka shprehur indinjatë për mos-arritje të një marrëveshjeje për koalicion parazgjedhor ndërmjet partisë së tij dhe Partisë Demokratike të Kosovës.
Lajme të tjera
-
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
Spahiu: Të gjitha partitë opozitare në Kosovë janë afruar më shumë me Shqipërinë sesa Vetëvendosja!
21 Dhjetor, 16:44 -
Ali Ahmeti takohet me opozitën në Kosovë: Nuk takohem me Kurtin, sepse s’ka vullnet nga ana e tij!
17 Dhjetor, 14:54 -
Kosova drejt zgjedhjeve të 9 shkurtit/ Deputeti i PDK: I gjithë kabineti i Kurtit në hetim nga Prokuroria Speciale! Diplomati: Vetëvendosja nuk ka kualitet në lista
16 Dhjetor, 19:17 -
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Kualifikueset e Botërorit 2026, Rraklli për Report TV: S'e doja këtë short, Sylvinho të bëjë ndryshime! Leci: Serbia mendjen për telashe, Kosova e ka vështirë
14 Dhjetor, 16:00 -
Mbyllen listat në KQZ për zgjedhjet në Kosovë, do garojnë 28 subjekte në 20 parti dhe 5 koalicione! Vetëvendosje, PD dhe LDK me listë të veçantë
12 Dhjetor, 14:29
-
Demush Shasha: Testi i vitit 2025
12 Dhjetor, 08:54
-
Zgjedhjet e 9 shkurtit në Kosovë/ Vetëvendosja dorëzon në KQZ listën me 110 kandidatët për deputetë, Kurti i pari në renditje
12 Dhjetor, 08:35 -
Bislimi akuzon Serbinë se po tenton të ndalë ndihmën e Kosovës për bujqit shqiptarë në Luginën e Preshevës
10 Dhjetor, 21:16 -
Sveçla: Pjesëtarë të Listës Serbe janë të përfshirë në trazira të vazhdueshme në veri
10 Dhjetor, 16:31 -
Këshillit të BE-së i kërkohet që ta shqyrtojë aplikimin e Kosovës për anëtarësim
10 Dhjetor, 16:11
