POP 5

Lajmet më të lexuara të 5 minutave të fundit

Politikë

Zgjedhjet e pjesshme të 6 marsit, Celibashi merr vendimin: Votimi dhe numërimi elektronik do të aplikohet vetëm në Bashkinë e Vorës

Kreu i KQZ, Ilirjan Celibashi, deklaroi se duke patur edhe dakordësinë e partive politike, votimi elektronik do të zbatohet vetëm në Bashkinë e Vorës.

Zgjedhjet e pjesshme të 6 marsit, Celibashi merr vendimin: Votimi dhe numërimi elektronik do të aplikohet vetëm në Bashkinë e Vorës

Kreu i KQZ, Ilirjan Celibashi

KQZ ka miratuar këtë pasdite projektvendimin për zbatimin e projektit pilot për procesin e votimit dhe numërimit elektronik të votave në zgjedhjet e pjesshme të 6 marsit vetëm në Bashkinë Vorë.

Kreu i KQZ, Ilirjan Celibashi, deklaroi se duke patur edhe dakordësinë e partive politike, votimi elektronik do të zbatohet vetëm në këtë bashki.

Një ditë më parë, Celibashi foli edhe në Report Tv, ku theksoi se votimi elektronik u zgjodh vetëm për Bashkinë Vorë për shkak të kohës  në dispozicion sepse numri i qendrave të votimit në Vorë është më i vogël se numri i pajisjeve që kanë për votimin elektronik.

"Koha në dispozicion  nuk na mundësonte të shtonim numrin e këtyre pajisjeve. Për më tepër nuk është proces i thjeshtë si teknikisht dhe financiarisht.”-tha Celibashi dje në Report Tv.

I pyetur se përse është për përjashtuar fjala ‘Partia Demokratike’ nga koalicioni ‘Shtëpia e Lirisë’, Celibashi deklaroi se PD është e regjistruar si subjekt zgjedhor dhe nuk rezulton që PD të ketë kërkuar për të qenë në koalicion me partitë e tjera.

“Kërkesa për koalicion e paraqitur nga LSI, ishte kërkesë që kishte legjitimitet për atë dhe Partinë Demokristiane. Natyrshëm në identifikimin e këtij koalicioni nuk mund të përdoret Partia Demokratike.”-tha Celibashi.

Kreu i KQZ, deklaroi se organizimi për zgjedhjet po shkon në përputhje të plotë me të gjitha parashikimet dhe programin që KQZ ka bërë.

Kujtojmë se Presidenti Ilir Meta, ka dekretuar si datë për mbajtjen e zgjedhjeve të pjesshme lokale, datën 6 mars. Zgjedhjet e pjesshme do mbahen në Vorë, Durrës, Lushnjë, Rrogozhinë, Shkodër dhe Dibër.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46