Edhe në bashkinë e Beratit është mbyllur procesi i votimit. Qytetarët zgjodhën mes kandidatit të Partisë Socialiste Ervin Ceca dhe kandidatit të pavarur Pavlo Shkarpa, i cili ka mbështetjen e Partisë Demokratike. Në këtë bashki ishin 116 Qendra Votimi dhe 79.323 qytetarë me të drejtë vote. Të drejtën për të votuar e ushtruan dhe dy kandidatët.

Ceca në një prononcim për media i bëri thirrje qytetarëve për pjesëmarrje masive.

“I bëj thirrje të gjithë qytetarëve t’i bashkohen të këtij procesi. Jam i bindur që do të bëjnë zgjedhjen e duhur. Besoj që do të jemi në të njëjtat shifra në të njëjtat situatë”, tha Ceca.

Berati shkoi në zgjedhje të pjesshme pasi Ervin Demo u zgjodh deputet, ndërsa për të marrë drejtimin e Bashkisë janë në garë Ervin Ceca (PS) dhe Pavlo Shkarpa (i pavarur, i mbështetur nga PD). Berati është një bashki që tradicionalisht është udhëhequr nga socialistët dhe prej 2019-ës në krye të saj qëndronte Demo.

Historiku i zgjedhjeve:
1996                Milika Jaho PD
2000-2003        Nikollaq Mata PS
2003-2007       Fadil Nasufi PS
2007-2011       Fadil Nasufi PS
2011-2015       Fadil Nasufi PS
2015-2019       Petrit Sinaj LSI (Alenca PS-LSI)
2019-2023       Ervin Demo PS
2023                Ervin Demo PS


Lajmi kryesor:

Zgjedhjet në 5 bashki, shqiptarët braktisin procesin! Pjesëmarrja në minimumin historik, votuan 18.45% e zgjedhësve