POP 5

Lajmet më të lexuara të 5 minutave të fundit

Politikë

Zgjedhjet e pjesshme vendore, Rama takim me Veliajn dhe deputetët e qarkut të Tiranës në kryeministri

Kryeministri Edi Rama vijon takimet me drejtuesit politik të qarqeve ku do të zhvillohen zgjedhjet e pjesshme vendore. Pasditen e sotme, kreu i qeverisë po zhvillon takim me Erion Veliajn në kryeministri  dhe deputetët e qarkut Tiranë për sa i përket punës për kandidaturat e bashkisë Vorë dhe Rrogozhinë

Zgjedhjet e pjesshme vendore, Rama takim me Veliajn dhe deputetët e qarkut të Tiranës në kryeministri

Deputetët e PS-së Etjen Xhafaj dhe Toni Gogu

Partia Socialiste ka nisur punën për zgjedhjet e pjesshme vendore. Kryeministri Edi Rama, njëkohësisht kryetar i Partisë Socialiste, ka vijuar takimet me drejtuesit politik të qarqeve ku do të zhvillohen zgjedhjet e pjesshme vendore. Pasditen e sotme, kreu i qeverisë po zhvillon takim me drejtuesit politik të PS-së për qarkun e Tiranës, Erion Veliajn në kryeministri dhe deputetët e qarkut Tiranë për sa i përket punës për kandidaturat e bashkisë Vorë dhe Rrogozhinë.

Ditën e djeshme, Rama e nisi takimin për qarkun e Fierit me drejtuesin politik të këtij qarku, Taulant Ballën, ku mundësi potenciale për kandidate në Bashkinë e Lushnjes është kryetarja aktuale Eriselda Sefa.

Takimet do të vijojnë në çdo qark, ndërsa janë mësuar edhe emrat e disa prej kandidatëve të PS në qarqet e tjera ku do mbahen zgjedhjet. Në Dibër, ndonëse ende nuk ka një vendim zyrtar, mësohet se PS do të kandidojë kryetarin aktual të komanduar Shkëlqim Murrja. Edhe në Durrës socialistët do të kandidojnë Emirjana Sako e cila kryen prej dy vitesh funksionin e kryetares, si e komanduar. Ndërkohë për Bashkinë e Shkodrës,  socialistët do të futen në garë me kandidaten Majlinda Angoni,  e cila prej dy vitesh mban detyrën e Prefektës.

Kujtojmë se Presidenti Ilir Meta dekretoi 6 marsin si datën për mbajtjen e zgjedhjeve të pjesshme lokale në 6 bashki, përkatësisht në Durrës, Shkodër, Rrogozhinë, Lushnje, Vorë dhe Dibër.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Financial Times: Sulm me 'Storm Shadow' në Kursk, u vranë disa ushtarë koreanoveriorë

Financial Times: Sulm me 'Storm Shadow' në Kursk, u vranë disa ushtarë koreanoveriorë

26 Nëntor, 18:38