Zgjedhjet, KQZ miraton edhe
45 përkthyes nga OSBE dhe NDI

TIRANË - KQZ miraton edhe 33 përkthyes nga organizata OSBE-ODHIR, pjesë e ekipit të vëzhguesve të zgjedhjeve të 23 qershorit në Shqipëri, si dhe 10 vëzhgues afatgjatë dhe 2 përkthyes të NDI - Zyrës së Institutit Amerikan, sipas kërkesave të këtyre institucioneve përkatëse.

OSBE-ODHIR

Komisioni Qendror i Zgjedhjeve vendosi miratimin e 33 përkthyesve shtesë të OSBE-ODHIR. KQZ ka miratuar më parë 42 vëzhgues afatgjatë të këtij institucioni. Në një moment të parë këto institucione nuk i paraqitën këta 33 përkthyes në kërkesë. Në një moment të dytë i kërkuan t’i akreditojnë.

NDI

KQZ ka miratuar edhe kërkesën e NDI - Zyra e Institutit Amerikan për të sjellë 10 vëzhgues afatgjatë dhe 2 përkthyes për vëzhgimin e procesit zgjedhor të 23 qershorit në Shqipëri. Në KQZ u cilësua se NDI ka punuar që nga viti 1991 me monitorimin e zgjedhjeve në Shqipëri. 10 vëzhgues afatggjatë dhe 2 përkthyes për vëzhgimin e procesit zgjedhor.

KQZ, DEBATE PËR ZHVENDOSJEN E KZAZ-VE

Gjatë mbledhjes së sotshme, KQZ diskutoi dhe miratoi zhvendosje të KZAZ-ve në disa raste, si për shembull nga një zonë zgjedhore në Durrës në Krujë për shkak të shtimit të zonave zgjedhore; nga 66 në zgjedhjet e kaluara në 89 në këto zgjedhje. Apo që mund të vendosen edhe në ndërtesa, objekte private. Por përfaqësuesi i Partisë Socialiste, Genc Gjonçaj i mëshoi idesë se “kjo nuk mbështetet në ligj, “nuk duhet të shkojnë në zona ku ka pasur konflikte”, dhe se “ne nuk duam, që votat të numërohen fshatrave apo komunave”.

Njazi Kosovrasti, përfaqësuesi ligjor i PD-së u shpreh se “shteti është në këmbë, ne nuk ndajmë Shqipërinë, se kjo zonë është bastion i kësaj apo asaj partie, rrregullat janë njësoj kudo dhe me shtimin e zonave të reja nuk ka mundësi, që të mblidhen në të njëjta zona, do ketë vende të reja”.

Anëtarja e KQZ, Vera Shtjefni argumentoi se “ligji na jep të drejtën që të përzgjedhim propozimet e sjella nga prefektët”. Sipas saj, njësitë administrative mund të jenë bashki apo komuna dhe pretendimi sipas të cilit vend-numërimi i votave s’mund të vendoset në komunë është i paligjshëm”.

Gjonçaj shtoi se “prefekti ka detyrimin ligjor të sjellë listën e gjithë objekteve. Dhe kësisoj KQZ të mund të orientohet, që të gjykojë mbi bazën e të gjithë listës së objekteve që ka qarku”. Kosovrasti shpjegoi se "nuk ka rëndësi në ambienti është publik apo privat, pasinë ligj përcaktohetse duhet të jetë objektivisht i përodrshëm, e kur nuk ka mundësi objektive për përdorimin e ndërtesës, qytetarët nuk mund të marrin rrugët, të kalojnë lumin, se ku është shkolla apo çerdhja, edhe kur është pa kushte apo larg".


Redaksia Online
(mag/shqiptarja.com)

TAG:
• kqz
• OSBE