POP 5

Lajmet më të lexuara të 5 minutave të fundit

Politikë

Zgjedhjet/ KQZ thirrje ekspertëve: Ejani monitoroni shpenzimet për fushatën e 30 qershorit (Kriteret)

Komisioni Qendror i Zgjedhjeve u bën thirrje të gjithë ekspertëve kontabël të licencuar dhe ekspertëve financiarë të cilët janë të interesuar dhe që plotësojnë kriteret të aplikojnë brenda datës 6 Maj me qëllim auditimin dhe mbikëqyrjen e shpenzimeve të partive politike në fushatë.

Zgjedhjet/ KQZ thirrje ekspertëve: Ejani monitoroni shpenzimet për fushatën e 30 qershorit (Kriteret)

Komisioni Qendror i Zgjedhjeve u bën thirrje të gjithë ekspertëve kontabël të licencuar dhe ekspertëve financiarë të cilët janë të interesuar dhe që plotësojnë kriteret të aplikojnë brenda datës 6 Maj me qëllim auditimin dhe mbikëqyrjen e shpenzimeve të partive politike në fushatë. Deri tani opozita, PD, LSI dhe partitë e tjera aleate nuk janë regjistruar për të marrë pjesë në zgjedhjet lokale, pasi më parë kërkojnë largimin e Ramës dhe krijimin e një qeverie tranzitore për të përgatitur procesin.

Deklarata e plotë nga KQZ-ja
Në zbatim të nenit 91 të Kodit Zgjedhor, Komisioni Qendror i Zgjedhjeve do të auditojë partitë politike për fondet e përfituara dhe të shpenzuara për zgjedhjet e datës 30 qershor 2019. Gjithashtu, ligji “Për partitë politike” i ndryshuar  me ligjin nr. 90/2017,  e ngarkon Komisionin Qendror të Zgjedhjeve, si organi përgjegjës për monitorimin dhe mbikqyrjen e financimit të partive, gjatë fushatës zgjedhore.

Bazuar në rëndësinë e veçantë të transparencës së fondeve të përfituara dhe të shpenzuara nga partitë politike për zgjedhjet e 30 qershorit 2019, i bëjmë apel ekspertëve kontabël të licensuar dhe ekspertëve financiarë, që të shprehin interesin e tyre pranë KQZ-së brenda datës 6 Maj, për përmbushjen e këtij detyrimi ligjor.

Pas shfaqjes së interesit nga ekspertët kontabël të licensuar dhe ekspertët financiarë, KQZ në zbatim të Kodit Zgjedhor dhe Ligjit për Partitë politike, i ndryshuar, do të emërojë me short, një numër të mjaftueshëm ekspertësh financiar për të monitoruar fushatën zgjedhore dhe ekspertësh kontabel të licensuar, për të kryer auditimin e fondeve të përfituara dhe shpenzuara për zgjedhjet e 2019.

Ekspertët kontabël të regjistruar pranë Instituti i Eksperteve Kontabel të Autorizuar (IEKA), përveç kushteve të përgjithshme të ushtrimit të profesionit duhet, të plotësojnë edhe kriteret e përcaktuara në Udhëzimet e KQZ-së, të cilat mund të gjenden në faqen zyrtare të internetit.

Ndër të tjera, ekspertët e interesuar duhet të dorëzojnë pranë KQZ-së:

1-            Kërkesë aplikimi;

2-            Deklaratë e nënshkruar nga kandidati lidhur me kriteret e përzgjedhjes të sipërcituara.

Të gjithë ekspertët kontabël licensuar dhe ekspertët financiarë të cilët plotësojnë kriteret, janë të lutur të aplikojnë pranë KQZ-së brenda datës 6 Maj dhe të kontribuojnë në realizimin e kësaj detyre të përbashkët që na ngarkon ligji.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kosovë/ Policia sekuestron një sasi të madhe të armëve të ftohta në Prishtinë

Kosovë/ Policia sekuestron një sasi të madhe të armëve të ftohta në Prishtinë

23 Dhjetor, 14:10