Zgjedhjet lokale 2023, Meta: Opozita të dalë me kandidatë të përbashkët! Nuk jemi në kushtet që të jemi të ndarë

 

Kryetari i Partisë së Lirisë, Ilir Meta duket se i ka dërguar mesazh të qartë Sali Berishës që në zgjedhjet lokale të vitit të ardhshëm të dalin me kandidatë të përbashkët pasi nuk janë në kushtet që të jenë të ndarë. Pyetjes së gazetares së Report Tv, Danjela Maloku Meta iu përgjigj duke thënë se fitorja është e rëndësishme dhe këtë mund ta arrijmë me një kandidat të përbashkët. 

“Për zgjedhjet vendore kemi nisur përgatitjet dhe së shpejti do të mblidhemi për zgjedhjet që afrojnë. Është moment historik se Shqipëria do të ndahet nga një model një partiak. Çdo forcë politike ka ambiciet e saj për nivel të çdo bashkie dhe në këtë drejtim, kemi qenë dhe jemi të hapur të bashkëpunojmë me PD dhe të gjithë të tjerët.

LEXO EDHE:
Ylli Pata: Dorëheqja? Standarti që theu Sali Berisha

Në mënyrë të padiskutueshme, për ne interesi kryesor është fitorja e opozitës, vendosja e demokracisë vendore. Kryetarët e bashkive dhe këshilltarët bashkiakë u kthyen në bunker të vërtetë. Shihni pagat nëpër bashki.

Ka shumë më të punësuar në rilindje sesa ka patur në 400 e ca bashki e komuna. Është psikologji e tyre thjesht për efekte elektoralë. Opozita duhet të dalë në të gjithë Shqipërinë me kandidatë të përbashkët”, tha Meta.

Lajmi kryesor:

Zgjedhjet lokale 2023, Meta mesazh Berishës: Opozita të dalë me kandidatë të përbashkët, ndryshe jemi të humbur

A.M./KT/Shqiptarja.com

TAG:
• zgjedhjet vendore 2023
• Partia e Lirise
• sali berisha
• koalicioni berisha meta
• ERE
• Ilir Meta