Zgjedhjet lokale 9 parti në garë
për në rrezik fletët e votimit

TIRANE - Do të jenë 9 parti politike që do të marrin pjesë në zgjedhjet vendore që do të mbahen në 4 njësi vendore, në Bashkinë e Bulqizës, në njësinë bashkiake nr.1, në komunën Sevaster dhe në Komunën Thumanë.

Do të jenë pikërisht Partia Demokratike, Partia Lëvizja Socialiste për Integrim, Partia Socialiste e Shqipërisë, Partia Republikane Shqiptare5- Partia Socialdemokrate e Shqipërisë, Partia e Unitetit Kombëtar, Partia Balli Kombëtar Demokrat, Partia Demorkacia Sociale si dhe Partia Fryma e Re Demokratike, që kanë dorëzuar dokumentacionet brenda afatit të përcaktuar, 6 qershor.

Por shqetësim për këto zgjedhje sipas përfaqësusve ligjor te PS në KQZ janë pikërisht fletët e votimit dhe prodhimi i tyre. KQZ gjendet në vështirë për të gjetur firmën prodhuese që do të merret me prodhimin e fletëve të votimit për zgjedhjet e pjesshme vendor që do të zhvillohen në katër njësi.

Në mbledhje e djeshme të KQZ-së, përfaqësuesi ligjor i PS-së, Eridjan Salianji,kërkoi që fleta e votimit për zgjedhjet e përgjithshme, të jetë në të dy anët me ngjyrë të verdhë, ndërsa administrata kishte menduar vetëm për faqen para, ndërsa për anën e mbrapse, që të ishe e bardhë.

Juristi Salianji u shpreh se Kodi përcakton qartë se fletët e votimit do të duhet të kenë një ngjyrë në të dy anët. Pas diskutimesh, KQZ-ja vendosi që të pranojë propozimin përfaqësuesit të PS-së, duke e cilësuar si kërkesë të ligjshme.

Në këtë momentin ka reaguar sekretari i përgjithshëm i KQZ-së, Skërnder Vrioni, i cili deklaroi se është e vështirë për t’u pranuar ky specifikim nga kompania prodhuese CETIS.

Por, kryetarja e KQZ-së, Lefterije Lleshi, është shprehur e vendosur që fleta të prodhohet me specifikimet që kërkohen edhe në kod, edhe nëse do të rrezikohen zgjedhjet e pjesshme. Kryetarja kërkoi që të shikohet edhe mundësia për prodhimin e këtyre fletëve brenda vendit, si pasojë e sasisë së pakët që kërkohet.

Shkrimi u botua sot në gazetën Shqiptarja.com (print) 09.06.2013
 
Redaksia online
(b.m/shqiptarja.com)

TAG:
• kqz