POP 5

Lajmet më të lexuara të 5 minutave të fundit

Kronikë

Zgjedhjet lokale në 'sitën' e Prokurorisë! Verifikim kandidatëve...në filtër edhe shit-blerja e votës

Financimi i fushatës zgjedhore për lokalet 2019, pastëria e figurave për kandidatët si dhe parandalimi i krimeve elektorale përfshi shitblerjen e votës kanë ulur në tryezë Prokurorinë e Përgjithshme dhe Komisionin Qqendror të Zgjedhjeve. Report TVv ka siguruar marrëveshjen e nënshkruar nga Arta Marku e Klement Zguri të cilët angazhohen për të ndërtuar grupe pune të cilat do të monitorojnë zgjedhjet për të goditur e parandaluar çdo shkelje të ligjit zgjedhor.

Financimi i fushatave elektorale, blerja e votave, kërcënimi i zgjedhësve si dhe pastërtia e figurës së kandidatëve për zgjedhjet lokale, do të kalojnë në filtrin e prokurorisë.

ReportTv ka siguruar marrëveshjen e nënshkruar midis Komisionit Qendror të Zgjedhjeve dhe Prokurores së Përgjithshme Arta Marku për hetimin e krimeve elektorale.

Kjo marrëveshje është nënshkruar ndërmjet KQZ e Prokurorisë për të rritur integritetin e zgjedhjeve në Shqipëri nisur edhe nga e shkuara ku krimet elektorale kanë qenë të pranishme.

Por si do të zbatohet kjo marrëveshje në terren?

Nëpërmjet personave të kontaktit prokurori e KQZ angazhohen të “trajnojnë aktorët e përfshirë në këtë proces, të zhvillohen fushata sensibilizimi nga KQZ, të konstatohen aktet korruptive dhe financimi i fushatave me para të paligjshme, të analizohen formularët e vetdeklarimit të efekt të ligjit të dekriminalizimit”.

Ndërsa prokuroria angazhohet që me strukturën e saj të hetimit t'i japë përparësi rasteve të denoncuara dhe referuara për krimet elektorale.

KQZ e Prokuroria pritet të krijojnë dhe aplikacione të cilat do t'i lehtësojnë subjekteve apo qytetarëve denoncimin e krimeve elektorale duke identifikuar zonën, apo qendrën e votimin ku konstatohet shkelja e ligjit.

ReportTv ka mësuar se kjo marrëveshje është nënshkruar edhe me praninë e OSBE-së një institucion i cili asiston Shqipërinë për zbatimin e ligjit dhe monitorimin e certifikimin e zgjedhjeve.

Me çeljen e fushatës elektorale zyrtarisht dhe prezantimin e kandidatëve për krerë lokal si dhe anëtarëve të këshillave bashkiak pritet që njësia e dekriminalizimit në prokurori t'i drejtohet edhe partnerëve si Interpol dhe Europol për verifikimin e të shkuarës së tyre edhe jashtë vendit.

(Kliko këtu për të lexuar marrëveshjen e nënshkruar midis Komisionit Qendror të Zgjedhjeve dhe Prokurores së Përgjithshme Arta Marku)

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50