Zgjedhjet në Austri, Rama uron Kurz: Fitore e madhe për Shqipërinë! Basha: Aleat i paçmueshëm, model për vendin tonë

TIRANË- Kryeministri Edi Rama ka uruar Sebastian Kurz pas fitores së zgjedhjeve parlamentare që u zhvilluan ditën e djeshme në Austri. Përmes një postimi në Twitter Rama shkruan se kjo është një fitore e madhe edhe për Shqipërinë dhe Ballkanit Perëndimor.

"Urime Sebastian Kurz për fitoren e madhe dhe me të vërtetë e lumtur për Shqipërinë dhe Ballkanin Perëndimor që një kampion i tillë i së ardhmes sonë të përbashkët evropiane do të jetë duke udhëhequr Austrinë miqësore për vitet kritike që vijnë", shkruan Rama.

Postimi i plote i kryeministrit Rama

Edhe kryedemokrati Lulzim Basha ka uruar Sebastian Kurz pas fitores. Basha shprehet se me votimin e djeshëm qytetarët austriakë i dhanë mbështetje të jashtëzakonshme Kurz dhe Partisë Popullore Austriake duke i quajtur ata aleatë të paçmueshëm të Shqipërisë dhe model për politikën e vendit tonë.

"Mbrëmë i përcolla urimet më të përzemërta mikut tim Kancelarit Sebastian Kurz dhe simotrës tonë Partisë Popullore të Austrisë për fitoren e thellë të zgjedhjeve të parakohshme parlamentare në Austri.

Vendimi i liderit të ÖVP Sebastian Kurz ku ndonëse pa asnjë përgjegjësi personale apo politike, vendosi ti rikthejë mandatin qytetarëve pas akuzave ndaj partnerëve të tij në qeveri për “pazare” për vota, është shembull kurajo dhe moraliteti qytetar dhe politik.

Me votimin e djeshëm qytetarët austriakë dhanë një mbështetje të jashtzakonshme për këtë vendim të Sebastian Kurz dhe Partisë Popullore Austriake, të cilët janë aleatë të paçmueshëm të Shqipërisë dhe model për politikën shqiptare", shkruan Basha.

Postimi i plote i kryedemokratit Lulzim Basha

/G.M./Shqiptarja.com

TAG:
• edi rama
• Sebastian Kurz