Zgjedhjet në Greqi/ Demokracia e Re drejt fitores

Sapo janë mbyllur votimet në Greqi. Partia opozitare e Greqisë 'Demokracia e Re' është në rrugën drejt fitores së zgjedhjeve të përgjithshme të parakohshme të vendit, të paktën sipas sondazheve më të fundit të kryera.

E udhëhequr nga Kyriakos Mitsotakis, partia e qendrës së djathtë parashikohet të mposhtë partinë e majtë Syriza të Kryeministrit Alexis Tsipras.

Sipas 'Exit poll', Demokracia e Re fiton 38-42% të votave, ndërsa Syriza parashikohet të fitojë 26.5-31.5%.

Kjo do t'i jepte Demokracisë së Re një shumicë të drejtpërdrejtë, pasi fituesi merr 50 vende shtesë në parlament.

Ndërkohë rezultatet e para pritet që të dalin në orët e vona të mbrëmjes. Tsipras, i cili mori pushtetin në vitin 2015, bëri thirrje për zgjedhje pas humbjes në votat vendore dhe evropiane në maj.

'Exit poll' u mbyllën në orën 19:00 lokale (16:00 GMT) më orën lokale, pas një dite me temperatura të larta, të cilat ngritën shqetësime rreth daljes në votim.

Votimi është teknikisht i detyrueshëm në Greqi edhe pse nuk zbatohet. Gjatë votimit shumë banorë hynë në plazhe për shkak të temperaturave të larta.

Kujtojmë se Demokracia e Re ka premtuar uljen e taksave dhe privatizimin e shërbimeve në vend, e cila ende ndjen efektet e krizës financiare të vitit 2008.

Greqia ka marrë një sërë kredish ose programe shpëtimi gjatë dhjetëvjeçarit të kaluar, të cilën zyrtarisht "doli" në gushtin e kaluar, pasi rritja ekonomike u kthye. Por papunësia e të rinjve mbetet e lartë dhe Demokracia e Re ka fituar shumë nga moshat 18-24 vjeç në mesin e mbështetësve të saj.

Lajmi kryesor:

'Demokracia e Re' drejt shumicës absolute! Mitsotakis: Do jem kryeministër i gjithë Greqisë! Tsipra pranon humbjen (VIDEO)

TAG:
• zgjedhje
• greqi
• Aleksis Tsipras
• Kyriakos Mitsotakis